Токио дахь шуудангийн ажилтан мягмар гарагт 94 сая иен буюу 890,000 долларын үнэтэй 2 сая гаруй шуудангийн марк завшсан хэргээр баривчлагджээ.

Токиогийн цагдаа нар 49 настай Масаки Хосохатаг өөр бусад хэрэгт холбогдсон гэж сэжиглэж байгаа бөгөөд завшсан нийт хөрөнгийг ойролцоогоор 270 сая иен гэж тооцсон байна.

Хосохата 94 сая иенийн үнэтэй 2.012.500 маркийг хямдралтай тийзний дэлгүүрүүдэд 75 орчим сая иенээр зарсан гэдгээ мэдүүлжээ. Япон дахь хямдралтай тийзний дэлгүүр нь ихэвчлэн нэрлэсэн үнээс хямд үнээр бараа худалдаж авдаг гэнэ. Тэрбээр 2018 оны наймдугаар сард ажлаасаа халагдсаны дараа 2020 оны арваннэгдүгээр сард хэргээ үйлдэж эхэлсэн байна.

Эх сурвалж: Kyodo news