Энэ мэдээ хуучирсан буюу 2021/02/23-нд нийтлэгдсэн мэдээ болно.

Италиас БНАКУ-д суугаа Элчин сайд амиа алджээ

Ангилал
Дэлхий дахинд
Огноо
Унших
1 минут 19 секунд

Италиас Бүгд Найрамдах Ардчилсан Конго Улсад суугаа Элчин сайд Лука Аттанасио амиа алдлаа гэж Италийн Гадаад хэргийн яам мэдээллээ.

Л.Аттанасио болон Итали цэргийн сууж явсан автомашин БНАКУ-ын зүүн нутгийн Гома хотын ойролцоо явж байх үед халдлагад өртсөний улмаас тэд амиа алджээ. Тухайн автомашин НҮБ-ын цуваанд явж байжээ.

"Италиас БНАКУ-д суугаа Элчин сайд Л.Аттанасио болон Италийн Зэвсэгт хүчний алба хаагч Витторио Яковаччи амиа алдсанд маш их харамсаж байна" гэж ГХЯ-ны мэдэгдэлд тэмдэглэжээ. Мөн Италийн Ерөнхий сайд Марио Драги Элчин сайд болон цэргийн ар гэрийнхэнд гүнээ эмгэнэл илэрхийлсэн байна.

НҮБ-ын Дэлхийн хүнсний хөтөлбөрийн мэдээлснээр, тус байгууллагын жолооч нарын нэг нь халдлагын үеэр амиа алджээ. Мөн цуваанд явсан бусад хүн шархаджээ. Энэхүү цуваа Рутшуру тосгон дахь сургууль руу очих замдаа халдлагад өртсөн бөгөөд уг чиглэл нь аюулаас хамгаалах хүчний баггүйгээр явах боломжтой аюулгүй чиглэлд тооцогдож байжээ.

Эх сурвалж: CNN

Л.Оюун-Эрдэнэ: Монгол Улс дархлаажуулалтыг эхлүүлсэн Ази тивийн эхний улсуудын нэг боллоо
Л.Оюун-Эрдэнэ: Монгол Улс дархлаажуулалтыг эхлүүлсэн Ази тивийн эхний улсуудын нэг боллоо
 
Л.Оюун-Эрдэнэ: С.Зоригийн хэргийн зургаан ажлын хэсэг тарсан. Яагаад тарав. Энэ Ц.Элбэгдоржийн ЗГ-ын сэдэл байсан
Л.Оюун-Эрдэнэ: С.Зоригийн хэргийн зургаан ажлын хэсэг тарсан. Яагаад тарав. Энэ Ц.Элбэгдоржийн ЗГ-ын сэдэл байсан
Энэ мэдээ хуучирсан буюу 2021/02/23-нд нийтлэгдсэн мэдээ болно.