Энэ мэдээ хуучирсан буюу 2021/04/15-нд нийтлэгдсэн мэдээ болно.

Эрээн рүү өнөөдрөөс 100 автомашин нэвтэрч байна

Ангилал
Нийгэм
Огноо
Унших
2 минут 3 секунд

Замын-Үүдийн автозамын боомтоос Эрээн рүү өнөөдрөөс 100 автомашин нэвтэрч эхэлжээ.

Тодруулбал, Монгол Улсад “КОВИД-19” халдварын тархалт нэмэгдсэнтэй холбогдуулан Эрээн рүү  нэвтрэх тээврийн хэрэгслийн хөдөлгөөнийг өнгөрсөн сарын 23-наас түр зогсоогоод байсан. Харин Эрээнээс Замын-Үүд рүү нэвтрэх хөдөлгөөн хэвийн үргэлжилж байгаа юм.

БНХАУ-ын тал гаалийн хяналтын бүсэд ажиллаж байгаа ажилтнуудаа вакцинжуулах, боомтын ариутгал халдваргүйжүүлэлтийн систем, хяналтыг сайжруулж, хоёр талын хооронд цар тахлын тархалт, урьдчилан сэргийлэх арга хэмжээний талаар мэдээлэл солилцох сувгийг нээснээр энэ сарын 7-ноос өдөрт 20 автомашин нэвтэрч байсан бол өнөөдрөөс 100 болж нэмэгдэв.

Улмаар Монгол Улсаас гарч буй тээврийн хэрэгсэлд аль болох түргэн хугацаанд ачилт хийж иргэд, аж ахуйн нэгжийн ачааг шуурхай тээвэрлэж эхэлснээр хэсэг хугацаанд нэмэгдээд байсан тээвэрлэлтийн үнэ ч буурах хандлага ажиглагдаж эхэлжээ.

Цаашид халдвар хамгааллын дэглэмийг хоёр талдаа чанд сахиж Замын-Үүд-Эрээнд зорчих тээврийн хэрэгслийн тоог нэмэнж, цар тахлын үед экспорт, импортыг хэвийн явуулахад ГХЯ, БНХАУ-д суугаад ДТГ-ууд болон орон нутгийн зүгээс хятадын талтай яриа хэлэлцээ хийж, хамтран ажиллаж байна. 

Ташрамд дурдахад, Өнгөрсөн онд Эрээн-Замын-Үүд боомтын нийт бараа эргэлт 19 сая тоннд хүрсэн нь өмнөх оны мөн үеэс 3,5 хувийн өсөлттэй гарсан байна. БНХАУ-ын ӨМӨЗО-ны 18 боомтоос цар тахлын үед зөвхөн Эрээний боомтын бараа эргэлт өссөн үзүүлэлттэй гарчээ. Энэ оны эхний улирлын байдлаар Эрээн-Замын-Үүд боомтын нийт бараа эргэлт өмнөх оны мөн үетэй харьцуулахад 2 хувийн өсөлттэй гарсан байна.

ЭЕРЭГ: Түргэний эмч нар хөл хүнд эмэгтэйг машиндаа эх барьж авчээ
ЭЕРЭГ: Түргэний эмч нар хөл хүнд эмэгтэйг машиндаа эх барьж авчээ
 
ЦЕГ: Автобусны ослын улмаас 2 хүн нас барж,  22 иргэн гэмтсэн
ЦЕГ: Автобусны ослын улмаас 2 хүн нас барж, 22 иргэн гэмтсэн
Энэ мэдээ хуучирсан буюу 2021/04/15-нд нийтлэгдсэн мэдээ болно.