ҮХЦ-ийн дунд суудлын хуралд оролцох ёстой байсан хуульчид энэхүү хурлын талаар болоод бусад мэдээллийг ҮХЦ-ийн байрны гадаанаас хүргэлээ. Хуульч, өмгөөлөгч н.Эрхэмбаяр:

"Үндсэн хуулийн цэц дээр Ерөнхийлөгчийн дэвших, дэвшихгүй асуудлыг шийдэхгүй. Мэдээлэл гаргагч нарын зүгээс Ерөнхийлөгчийн сонгуулийн тухай хуулийн зарим зүйл заалт нь Үндсэн хуулийг зөрчсөн байна гэдэг үүднээс мэдээлэл гаргасан. Миний зүгээс мэдээлэл гаргагчийн өмгөөлөгчөөр энэ удаагийн хуралдаанд оролцох ёстой байсан боловч 09.00 цагаас PCR шинжилгээ өгөөд 30 минут хүлээсэн боловч оролцуулаагүй. Ямар үндэслэл шаардлагын хүрээнд оролцуулахгүй байгаагаа цаасаар албажуулаад өгсөнгүй" гэжээ.