Төрийн банк олон нийтэд нээлттэй хувьцаат компани болно

Ангилал
Эдийн засаг
Хэзээ
2021/04/30
Унших
1 минут 43 секунд
QR кодыг уншуулж мэдээг утсаараа унших боломжтой.

   Банкны тухай хуульд нэмэлт, өөрчлөлт оруулах тухай хуулийг 2021 оны нэгдүгээр дүгээр сарын 28-ны өдрийн УИХ-ын намрын ээлжит чуулганаар хэлэлцэн баталсан. Тус хуулийн 4.2-т “Банкны системд нөлөө бүхий банк нь нээлттэй хувьцаат компани, бусад банк нь хувьцаат компанийн хэлбэртэй байна” гэж заасны дагуу системийн нөлөө бүхий банкууд хөрөнгийн бирж дээр хувьцаа гаргах ёстой.

  Тус хуулийн дагуу системийн нөлөө бүхий банкууд 2022 оны зургаа дугаар сарын 30-ны өдрийн дотор нээлттэй хувьцаат компани болж, санхүүгийн зах зээл дээр IPO хийсэн байх үүрэгтэй. Иймд Төрийн банкыг нээлттэй хувьцаат компани болгож, IPO хийх бөгөөд хэрэгжүүлэх хугацаа, үнэт цаасаа нийтэд нээлттэй санал болгох төлөвлөгөө, хувьцааны үнийн төсөөлөл, боломжит хөрөнгө оруулагчдын тандан судалгаа зэргийг тусгасан төлөвлөгөөг 2021 оны 07 дугаар сарын 01-ний өдөрт багтаан Монголбанк, Санхүүгийн зохицуулах хороонд хүргүүлэхээр ажиллаж байна.

  Төрийн банкны хувьд Арилжааны банкны зах зээлийн 10 орчим хувийг эзэлдэг, Монгол улсын бүх сум сууринд 500 орчим салбар нэгжтэй, 2020 оны жилийн эцсийн байдлаар 3.5 их наяд төгрөгийн актив, 1.8 их наяд төгрөгийн зээл, 303.6 тэрбум төгрөгийн өөрийн хөрөнгөтэй, 30.6 тэрбум төгрөгийн ашигтай ажилласан байна

Сэтгэгдэл (0)
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!