МҮОНРТ-ийн удирдлагууд өнөөдөр 13.30 цагаас Төв байрандаа хэвлэлийн бага хурал зарлажээ. Тодруулбал, мэтгэлцээний асуудлаар мэдээлэл өгөхөөр болсон байна.

Сануулахад, Ерөнхийлөгчид нэр дэвшигчдийн мэтгэлцээн өнөөдөр 17.30 цагаас товлогдсон ч "Зөв хүн электорат" эвслээс нэр дэвшигч Д.Энхбат халдвар авсантай холбогдуулан мэтгэлцээнийг хэрхэн яаж, хийх эсэхийг дахин ярилцахаар болсон. Хэдийгээр өчигдөр гурван нэр дэвшигчийн сонгуулийн Ерөнхий менежерүүдтэй уулзаж мэтгэлцээнийг хэрхэн хийх талаар ярилцсан ч тодорхой шийдвэр гаргаж чадаагүй байна. Учир нь онлайнаар явуулахад тэгш байдал хангагдахгүй гэж үзжээ.