"Ганц эмэгтэй хүнийг 4,5 цагдаа хүчээр машиндаа суулгаж, утсыг нь булаан, цүнхэнд нь нэгжлэг хийсэн байна"

Ангилал
Улс төр  Хууль эрх зүй
Хэзээ
2021/06/09
Унших
1 минут 12 секунд
QR кодыг уншуулж мэдээг утсаараа унших боломжтой.

АН-ын нягтлан эмэгтэйг 24 сая төгрөгтэй явж байхад нь ЭЦА-наас саатуулсан байна. Уг асуудалд ЦЕГ-аас "мэдээлэл алга" хэмээн мэдээлэл өгөхөөс татгалзсан. Харин АН-аас Ерөнхийлөгчийн сонгуульд нэр дэвшигч С.Эрдэнэ мэдээлэл өгөв.

Тэрбээр “Гэртээ орж явсан АН-ын санхүүгийн албаны нягтланг ЭЦА-наас үл мэдэх шалтгаанаар саатуулсан байна билээ. 23 сая төгрөг авч явсан юм билээ. Орон нутгийн телевизүүдийн төлбөр шилжүүлж явсан юм байна.

Өнөөдөр төрийн эрх мэдлийг ашиглаж гүтгэлгийн шинжтэй улс төр хийх гэж оролдож байна. Ганцаараа машинаа бариад явж байгаа эмэгтэй хүнийг дөрөв, таван цагдаа очиж хүчээр машинаас гаргаад, цүнхэнд нь үзлэг хийгээд баривчилсан байна. Гүйцэтгэх ажиллагаа явуулсан гэж харж байна. Эрх баригч нам нь тагнадаг, чагнадаг ажиллагаа явж байна. Хардах эрхийнхээ хүрээнд хардаж байна. Би өөрөө очиж тэр хүнээ гаргаж авсан” гэв.

Сэтгэгдэл (0)
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!