Энэ мэдээ хуучирсан буюу 2021/06/22-нд нийтлэгдсэн мэдээ болно.

Олимпийн наадамд оролцохоор Токио хотод очсон Африк тамирчнаас коронавирус халдвар илэрчээ

Ангилал
Дэлхий дахинд
Хэзээ
2021/06/22
Унших
1 минут 30 секунд
QR кодыг уншуулж мэдээг утсаараа унших боломжтой.

Токио хотод болох гэж буй зуны олимпийн наадамд оролцохоор очсон гадаадын төлөөлөгчдөөс эхний хүн коронавирусийн халдвар авсан нь тогтоогджээ. Тодруулбал, Африк тивийн Уганда улсын багийн нэг гишүүнээс Японд ирснийх нь дараа коронавирусийн халдвар илэрсэн байна.

Тэрбээр эх орондоо AstraZeneca вакцины хоёр тунг хийлгэж, Японд очихын өмнө шинжилгээ өгөхөд сөрөг хариу гарсан байжээ. Халдвартай хүнийг тусгаарлаж, бусад төлөөлөгчдийг Осака хот руу явуулсан тухай албаныхан мэдээлсэн байна.

Японд ирсэн гадаадын тамирчид, төлөөлөгчдөөс халдвар илрээгүй бол тусгаарлахгүй шууд нэвтрүүлэх ч өдөр бүр шинжилгээ авах юм.

Ням гарагт Токио 2020 олимпын наадмыг зохион байгуулагчид спортын уралдаан тэмцээн болох газруудад нэвтрэх дотоодын үзэгчдийн тоог 10,000-аар буюу нийт суудлын багтаамжийн 50 хувиар хязгаарлах шийдвэр гаргаад байгаа. Наадмыг зохион байгуулагч Япон улсын хувьд хүн амынх нь ердөө 6.4 хувь вакцинжуулалтад бүрэн хамрагдаад байна. Цар тахлын аюулаас сэргийлэх үүднээс Токио 2020 наадмыг хойшлуулах, эсвэл цуцлах санал Японы олон нийтийн дунд дийлэнх байсан ч засгийн газар нь зохион байгуулахаар ажиллаж байна.

Энэ мэдээ хуучирсан буюу 2021/06/22-нд нийтлэгдсэн мэдээ болно.