Монголбанкны дэргэдэх Мөнгөний бодлогын хороо өнөөдөр хуралдаж, шийдвэрээ танилцуулав. Монголбанкны Ерөнхийлөгч Б.Лхагвасүрэн "Монголбанкнаас хэрэгжүүлж буй репо санхүүжилтийг нэмэгдүүлэхээр боллоо. Мөн инфляц ойрын хугацаанд зорилтот түвшинд буюу 6 хувь байна. Мөнгөний бодлогын хорооны ээлжит хуралдаанаар эдийн засаг, банк, санхүүгийн зах зээлийн өнөөгийн байдал гадаад, дотоод орчны төлөв байдал, тэдгээрийн ирээдүйн хандлагыг харгалзан үзэж, бодлогын хоёр шийдвэр гаргасан байна. Үүнд:

1. Бодлогын хүүг 6 хувьд хэвээр хадгалах,
2. Урт хугацаат, дахин санхүүжилтийн хэрэгслээр 2021 оны гуравдугаар улиралд олгох санхүүжилтийн хэмжээг 250 тэрбум хүртэл төгрөгөөр нэмэгдүүлэх шийдвэр гаргасан" гэлээ.