Дорнод бүсийн плэй-оффын финалын шатад таарсан Атланта Хокс, Милуаки Бакс багуудын цувралын эхний тоглолт болж 116:113 харьцаатайгаар Хокс хожлоо.

Өнөөдрийн тоглолтод Трэй Янг 48 оноо 11 дамжуулалт, Жон Коллинс 23 оноо 15 самбар авчээ. Харин Баксаас Яннис Антетэкумпо 34 оноо 12 самбар, Жрү Холидэй 33 оноо 10 дамжуулалт өгсөн байна.

Трэй өнөөдрийн тоглолтод 48 оноо авсан нь түүний плэй-оффын замналын дээд амжилт бөгөөд тэрбээр 1988 оноос хойш плэй-оффын тоглолтод хамгийн өндөр оноо авсан Атланта Хоксын тоглогч боллоо.