Eruul.gerege.mn ашигласан төлбөрийг албан байгууллагууд сүүлийн гурван сар төлөөгүй учраас өнөөдөр буюу долдугаар сарын 01-ээс үйл ажиллагаагаа зогсоохоор болсон гэдгээ мэдэгдээд байсан билээ. Тэгвэл өнөөдөр УОК-оос гарсан шийдвэрийг танилцуулах үеэр уг асуудалтай холбоотой мэдээлэл өглөө. Эрүүл мэндийн сайд С.Энхболд “Eruul.gerege.mn системийг 2020 оны аравдугаар сараас эхлэн ашиглаж эхэлсэн. Тус программ дээр ПСР шинжилгээний хариу, цаг авах болон тандалтын программууд хийгдсэн. УОК, ХӨСҮТ болон Гэрэгэ Системс ХХК гурвалсан гэрээг хийсэн. Одоогийн байдлаар тус систем дээр үүссэн асуудал байхгүй, төлбөр мөнгөний асуудал шийдэгдсэн. Гэрээний дагуу хэвийн ажиллагаанд орсон” гэлээ.