2021 оны 07 дугаар сарын 08-ны өдөр Тээврийн цагдаагийн албаны жижүүрийн шуурхай удирдлагын төвд нийт 301 дуудлага мэдээлэл хүлээн авснаас зам тээврийн ослын шинжтэй 231 дуудлага мэдээлэл бүртгэгдсэн байна.
Бүртгэгдсэн зам тээврийн ослын улмаас нийслэлд 8 хүн гэмтэж, орон нутагт 4 хүн гэмтсэн. Хүүхэд гэмтсэн осол 2 бүртгэгдсэн байна.Тухайлбал:
Нийслэлд

• 2021.07.08-ны өдрийн 22:00 цагийн орчим Сонгинохайрхан дүүрэг 61-ийн гарамны замд ачааны автомашин суудлын автомашинтай мөргөлдөж зорчигч 2 хүн гэмтсэн.
• 2021.07.08-ны өдрийн 10:00 цагийн орчим Чингэлтэй дүүрэг Чингэлтэйн өргөн чөлөө суудлын автомашины жолооч унадаг дугуйтай зорчигч мөргөж 13 настай эрэгтэйг мөргөж гэмтээсэн.
• 2021.07.08-ны өдрийн 10:00 цагийн орчим Баянзүрх дүүрэг Налайхын замд суудлын 3 автомашин мөргөлдөж зорчигч 30, 7 настай 2 эмэгтэй гэмтсэн.
• 2021.07.08-ны өдрийн 10:00 цагийн орчим Сүхбаатар дүүрэг Хандгайтын замд суудлын автомашины жолооч явган зорчигч 8 настай эмэгтэйг мөргөж гэмтээсэн.

Орон нутагт

• 2021.07.08-ны өдрийн 16:00 цагийн орчим Баян-Өлгий аймаг Толбо сумын нутагт уаз маркийн автомашин онхолдож зорчигч гэмтсэн.
• 2021.07.08-ны өдрийн 02:00 цагийн орчим Төв аймгийн Борнуур сумын нутагт суудлын автомашин ачааны автомашинтай мөргөлдөж 2 жолооч гэмтсэн.

Гудамж замын хяналт шалгалтаар согтууруулах ундааны зүйл хэрэглэсэн үедээ тээврийн хэрэгсэл жолоодож хөдөлгөөнд оролцсон нийт 55 зөрчил илрүүлсний нийслэлд 37, орон нутагт 18 зөрчлийг илрүүлж учирч болох эрсдэлээс урьдчилан сэргийлж ажилласан байна.
Жолооч та бүхэн хөдөлгөөнд оролцохдоо тээврийн хэрэгслийн бүрэн бүтэн байдалд хяналт тавин, хөдөө орон нутгийн замд зорчихдоо техникийн үзлэг оношилгоонд бүрэн хамрагдаж тээврийн хэрэгслээ бэлдэсний дараа аян замд гарах, мотоциклтой хөдөлгөөнд оролцохдоо хамгаалах малгай хамгаалалтын хэрэгслийг тогтмол зүүж хэрэглэн хөдөлгөөнд оролцох, тээврийн хэрэгслийн хурдыг тогтоосон хязгаараас хэтрүүлэхгүйгээр хөдөлгөөнд оролцох, хүүхэд зорчиж байгаа замд анхаарал болгоомтой оролцож Ирээдүйгээ хамгаалъя Тээврийн цагдаагийн албанаас анхааруулж байна.

Эх сурвалж: ТЭЭВРИЙН ЦАГДААГИЙН АЛБА