НӨАТ-ын сугалааны ээлжит тохирол өчигдөр буюу долдугаар сарын 18-ны өдөр явагдлаа. Энэ удаагийн тохиролд 2021 оны зургадугаар сарын 01-нээс 30-ны өдрийн хооронд худалдан авалт хийж, цахим татварын системд бүртгүүлсэн 32,038,077 баримт хамрагдсан байна. Тохирлоос гурван сая төгрөгийн таван азтан тодорчээ. Түүнчлэн 1,5 сая төгрөгийн 24, 500 мянган төгрөгийн 279, 100 мянган төгрөгийн 2886, 30 мянган төгрөгийн 28843 баримт тохиролд таарч азтан болсон байна.