Францын нэгэн аав, роботын инженер Жан-Луи Констанца 16 настай Оскар хүүгээ алхах боломжтой болгохын тулд робот костюм бүтээж өгчээ. Оскар тэргэнцэр хэрэглэдэг байсан бол одоо робот костюмдаа “Робот босоорой” хэмээн комманд өгч асааснаар төхөөрөмж ажиллан түүнийг алхуулдаг байна.

Жан-Луи Констанцагийн үүсгэн байгуулсан компани нь ийм төрлийн төхөөрөмж бүтээдэг бөгөөд тэдгээр нь тэргэнцэртэй хүмүүст өдөртөө цөөн хэдэн цаг зогсоогоороо байх боломж олгодог ажээ. Зарим нэг улс орны эмнэлгүүд уг төхөөрөмжийг ашигладаг бөгөөд хувь хүний өдөр тутмын хэрэглээ байх боломж хараахан байхгүй юм. Учир нь нэг төхөөрөмж ойролцоогоор 150,000 евро буюу 500 орчим сая төгрөг аж.

Эх сурвалж: https://www.bbc.com/news/av/world-europe-57985857