Энэ мэдээ хуучирсан буюу 2021/08/03-нд нийтлэгдсэн мэдээ болно.

СУРВАЛЖИЛГА: Та “Өглөөний Улаанбаатар”-т ямар байгууллагуудаар үйлчлүүлэх боломжтой вэ

Ангилал
Нийгэм Фото сурвалжилга Сурвалжлага
Хэзээ
2021/08/03
Унших
4 минут 46 секунд
QR кодыг уншуулж мэдээг утсаараа унших боломжтой.

НЗДТГ-аас нийслэлд цагийн хязгаартай, автомашингүй хэсэг бий болгох ажлын хүрээнд “Өглөөний Улаанбаатар” гудамж үүдээ нээгээд нэг хонож байна. Өглөөний гудамж амьдралын завгүй хэмнэлдээ хэдийнэ дассан нийслэлчүүдийн түр амсхийх басхүү өглөө бүхнийг эхлүүлж хэвшсэн хугацаагаа “эртэч” байлгахыг бодитоор уриалсан харагдлаа. Байгууллагууд өглөөний зургаан цагт үүд хаалгаа нээж байгаа тул ажилчид нь 5:30 гэхэд бэлтгэл ажлаа хангасан байхаар ажлын төлөвлөгөөгөө зохицуулдаг гэнэ.

Утас шагайж суух нэгнээс илүүтэй энд хэд гурваараа тойрч суунгаа халуун яриа өрнүүлэх, хүүхдээ салхилуулан алхах эцэг, эхчүүд, хэд хэдэн зураг авалтууд ч явагдаж байлаа. Өглөөний гудамжийг сонирхохоор очсон олон залуусын “стори” дүүрсэн гэдэг ч эргэлзээгүй. Хэдий уртаар үргэлжилсэн зай талбай ихтэй биш ч сая хол давсан нийслэлчүүдэд энэ мэт тухтай сууж, цаг өнгөрүүлэх газар дутагдаж байсныг харж болохоор байлаа.

“Өглөөний Улаанбаатар” гудамжид 12 аж, ахуйн нэгж үйл ажиллагаагаа явуулж байна. Зарим байгууллагуудын үүдээр ороход ажилчид нь түрхэн зуур амсхийв бололтой сууцгаана. Гэхдээ тэдний ид ачаалалтай цаг нь өглөө бөгөөд ажил тарах үеэр байдаг ч бусад цагт ч хөл хөдөлгөөн тасрахгүй байгаа талаар хэлж байв.

Та “Өглөөний Улаанбаатар”-т ямар байгууллагуудаар үйлчлүүлэх боломжтой вэ?

Өглөө бүрийг кофегоор эхлүүлдэг ажил хэрэгч хэн бүхэнд зориулан дараах кофе шопууд ажиллаж эхэлжээ.

-Caffe bene кофе шоп

-“Book art” кафе

-“Оршил” кофе шоп

Ажил хэргийн болоод найз нөхдөөрөө уулзаж, өглөө, өдөр, оройн зоогоо хүртэх боломжтой ресторан, лоунжууд ч үүдээ нээсэн байна. Тухайлбал:

-“Өргөө арт” ресторан

-Route 22 ресторан, лоунж

-“Пизза хат” түргэн хоолны сүлжээ ресторан

-“Yuna” солонгос хоолны ресторан

-Greeno эрүүл хооллолтын кафе, дэлгүүр

-GUUN GOGI ресторан

-Хүнсний дэлгүүр

-Urguu boutique зочид буудал

Өглөө эртлэн босож, онгойсон үсчин хайдаг охид, бүсгүйчүүд их. Тэгвэл “Өглөөний Улаанбаатар”-т байрлах гоо сайхны төрөлжсөн салон энэ эрэлтийг нөхөж чаджээ.

-G22 салон /үсчин, гоо сайхан, тураах массаж, маникюр, педикюр/

“Өглөөний Улаанбаатар” гудамжийг гэрэлтүүлэгтэй болгох шаардлагатай”

Бид өглөөний гудамжид үйл ажиллагаа явуулж буй байгууллагуудын нэг төлөөлөлтэй уулзаж цөөн хором ярилцлаа. “Өргөө арт” рестораны ерөнхий менежер Ж.Мөнхпүрэв “Манайх өглөө 7 цаг гэхэд нээдэг байсан. Гэхдээ одоо үйл ажиллагаагаа өглөөний зургаан цагаас үүд хаалгаа нээж байгаа. Өглөөний цай, кофе гэх мэтээр үйлчилдэг. Эртэч нийслэлчүүддээ үйлчилгээ үзүүлж байгаа нь өөрөө маш том зорилт, давуу тал гэж харж байна. Өглөөний гудамж нээгдэхээс өмнө өглөөний цагаар хүний хөдөлгөөн харьцангуй багатай байсан. Гутлын 22 гудамжийг тойрсон байгууллагуудын ажилчид ихэнхидээ үйлчлүүлдэг байсан юм. Харин гудамж нээгдсэнээс хойш хүмүүсийн хөл хөдөлгөөн, анзаарагдахуйц хэмжээгээр нэмэгдлээ. Метал загварийн арт ресторан маань үйл ажиллагаагаа явуулж байна. Өглөө үүдээ нээхтэй зэрэгцэн заал 2-3 удаа дүүрэх шиг болсон. Үйл ажиллагаа явуулж буй байгууллага, барилгуудын өнгө үзэмж, орчин сайжирч, өнгө нэмсэн. Одоо нэмж хийх хэрэгтэй болов уу гэсэн саналууд байна. Тухайлбал, гудамжны хоёр талд “Өглөөний гудамж” гэх нэрийн самбар, хаягийг байршуулах, энд үйл ажиллагаа явуулж буй байгууллагууд руу чиглэсэн гэрэлтүүлэгтэй болох хэрэгтэй. Цэцэрлэгт хүрээлэн нь гэрэлтүүлэгтэй учраас энэ саналыг хэлж байгаа юм. Энэ бол ганцхан өглөөний асуудал биш учраас оройдоо үйл ажиллагаагаа явуулах боломжоор хангахын тулд гэрэлтүүлэг ч чухал гэж бодож байна” гэлээ.

Ц.Янжиндулам

"Өглөөний Улаанбаатар" гудамж
"Өглөөний Улаанбаатар" гудамж
"Өглөөний Улаанбаатар" гудамж
"Өглөөний Улаанбаатар" гудамж
"Өглөөний Улаанбаатар" гудамж
"Өглөөний Улаанбаатар" гудамж
"Өглөөний Улаанбаатар" гудамж
"Өглөөний Улаанбаатар" гудамж
"Өглөөний Улаанбаатар" гудамж
"Өглөөний Улаанбаатар" гудамж
"Өглөөний Улаанбаатар" гудамж

Энэ мэдээ хуучирсан буюу 2021/08/03-нд нийтлэгдсэн мэдээ болно.
  1. Зочин-Х

    Яагаад ийм тэнэг юм бэ. Ядаж хүүхдийн эвлүүлдэг лего тоглоом шиг харагдажбайна. Юм үзэж нүд тайлсан хүн яав ч зөвшөөрөхгүй. Хэдэн жилийн өмнө дүү нь гутлын 22-ын хойно цэцэрлэгт хүрээлэнг сэргээж янзаллаа гэж бсан. Тэр нь зөв сайхан ажил. Хэд хоногийн дараа ашигнаас авна гэх вий дээ. Долгорсүрэнгийн хүүхдүүд өсөхийн өлөнгөө дараачээ одоо болохгуй байна уу.

  2. Зочин-Х

    Хотын дарга их л юм хийчлээ гэж бодоод байх шиг. Нөгөө оркууд нь хөөргөөд. Энэ хашааны банхарт зөвлөөд өгчих хүн байдаггүй юм байх. Зөвлөхүүд нь бас орк. Дэлхий дээр ийм улс ганц ч байдаггүй малнуудаа. Яагаад гээч. Төрийн ордон, парламентын танхимтайгаа зэрэгцээд хүмүүсийн чөлөөт цаг өнгөрөөх, өмхий Нямдоржын үхэхдээ хэвтэх эмнэлэг гэх мэт үндэсний аюулгуй байдалд харш. Ухаж ойлголцохоо хүмүүсээ!

  3. Oyun

    Saikhan um khiijee bayr khurgie. Khotiin udirdlaguud zov l um khiij baina daanch tuuniig ni kharluulakh ukhaan muutai khumuus baikh um.Khumuusee neg negendee uram khairlaj dor doroo khitseetsgeevel bolokhgui butekhgui um gej uguig sanatdgaay.

  4. зочин

    Одоо хүүхдийн 100 буюу Сеүлийн гудамжийг ийм болговол янзтай

  5. Зочин

    Тэртээ хүүхэд насны минь өнгө үзэмж үзэгдэх шиг , хотын айлууд зуслангаас нүүгээд ороод ирэхэд сургууль цэцэрлэг албан байгууллагууд байшингуудаа, хотын байшин байрилгууд бүгд шохойдохыг нь шохойдоод будахыг нь будаад засахыг нь засаад нөхөхийг нь нөхөөд тавьчихсан шинэ мэт богоод тавьчихсан байдаг сан

  6. 777

    Ихэнхи нь шал худлаа хэлбэр хөөсөн гарууд л байгаа биз / цөөн тооны хүн л ажлын шаардлагаар өглөө эрт гэрээсээ гарахдаа энд үйлчлүүлж байгаа байх даа/

  7. Иргэн

    Хараад байхад дандаа Улаанбаатрын баячуудад зориулагдсан үйлчилгээ юм шиг байна. Мөнгө муутай иргэд орохооргүй бас оруулахааргүй юм байна даа. Тэгээд үйлчилгээнийхээ үнэ ханшаа сонирхуулж танилцуулчихдаггүй юм уу?!