Токио-2020 олимпын наадмын чөлөөт бөхийн медалийн төлөөх барилдаанууд үргэлжилж байна.

Эмэгтэйчүүдийн 68 кг-ын төрөлд Хөдөлмөрийн баатар С.Батцэцэг хүрэл медалийн төлөө Кыргызстаны М.Жуманазароватай барилдаж даралтаар цэвэр ялагдлаа. Ингэснээр түүний энэ удаагийн олимпын наадам энд хүрээд өндөрлөлөө.

Манай тамирчинтай барилдсан Мээрим Жуманазарова 1999 онд төрсөн бөгөөд 2018 оны Азийн наадмын хүрэл медаль, 2020 оны Дэлхийн цомын тэмцээний ганцаарчилсан бөхийн төрөлд алтан медаль хүртэж байв.