Баянзүрх дүүргийн зургаадугаар хороонд “Нүүдэлчин” хоолны газарт гал гарчээ. Дуудлагын дагуу Чингэлтэй дүүргийн Онцгой байдлын хэлтсийн Гал түймэр унтраах, аврах 10 дугаар ангийн алба хаагчид ажиллаж, тус цайны газрын 17х7 метрийн хэмжээтэй байшингийн гал тогооны өрөөнд эд хогшил шатаж байсныг 30 минут ажиллаж унтраасан байна.

Тус гал түймэрт 53 настай эмэгтэй А-гийн 2 гарын шуу хайрагдсан тул ГССҮТ-д очиж, эмнэлгийн тусламж авчээ.