Энэ мэдээ хуучирсан буюу 2020/03/18-нд нийтлэгдсэн мэдээ болно.

Монгол Улсын Ерөнхийлөгч Х.Баттулга “Монгол цэргийн өдөр”-ийн мэндчилгээ дэвшүүллээ

Ангилал
Улс төр
Огноо
Унших
1 минут 36 секунд


Өнөөдөр тохиож буй “Монгол цэргийн өдөр”, орчин цагийн Зэвсэгт хүчний 99 жилийн ойн баярыг тохиолдуулан Монгол Улсын Ерөнхийлөгч, Зэвсэгт хүчний Ерөнхий командлагч Х.Баттулга мэндчилгээ дэвшүүллээ.

МОНГОЛ УЛСЫН ЕРӨНХИЙЛӨГЧ, ЗЭВСЭГТ ХҮЧНИЙ ЕРӨНХИЙ КОМАНДЛАГЧИЙН МЭНДЧИЛГЭЭНД:

“Эрхэм цэргийн алба хаагчид, генерал, офицер, гэрээт болон хугацаат албаны ажилтан албан хаагчид, бэлтгэл болон чөлөөнд байгаа ахмад дайчид, энхийг сахиулагчид аа,

Та бүхэнд “Монгол цэргийн өдөр” – орчин цагийн Зэвсэгт хүчин үүсч хөгжсөний 99 жилийн ойн баярын халуун мэндийг дэвшүүлье!

Эх орон, ард түмэндээ өргөсөн тангаргаа үнэнчээр сахиж, үндэсний эрх чөлөө, тусгаар тогтнол, даян дэлхийн энх тайван, аюулгүй байдлыг батлан хамгаалах үйлсэд хичээн зүтгэж яваа та бүхнээр монголчууд, монголын Төр үеийн үед бахархаж, алдаршуулж ирсэн билээ.

Монголын түүхийг бүх цаг үед монгол цэрэг бичилцэж ирсэн юм. Энх цагт бүтээн байгуулалтын өрнүүн хөдөлмөрөөр, бэрх цагт халуун амь, бүлээн цусаараа тусгаар тогтнол, хөгжил дэвшлийг хамгаалж, бүтээлцэж ирсэн монгол цэрэг, алба хаагчид Та бүхэнд сайн сайхан бүхнийг хүсэн ерөөе.

Мөнх тэнгэрийн хүчин дор Монгол нутагт энх амгалан, хөгжил цэцэглэлт, өсөлт дэвшил ашид орших болтугай!” гэжээ.

БНХАУ : Бээжин, Эрээн хотод зорчин ирж буй дотоод, гадаадын иргэдийг 14 хоног тусгаарлана
БНХАУ : Бээжин, Эрээн хотод зорчин ирж буй дотоод, гадаадын иргэдийг 14 хоног тусгаарлана
 
GEN-Z үеийнхний хөдөлмөрийн зах зээлийн харилцааны тухай судална 
GEN-Z үеийнхний хөдөлмөрийн зах зээлийн харилцааны тухай судална 
Энэ мэдээ хуучирсан буюу 2020/03/18-нд нийтлэгдсэн мэдээ болно.