“Цар тахлын үеийн эдийн засгийн сэргэлтийг эрчимжүүлэх нь” сэдэвт төр, хувийн хэвшил, хөрөнгө оруулагчдын зөвлөлдөх уулзалт Төрийн ордонд яг одоо үргэлжилж байна. Энэ үеэр Монгол Улсын Ерөнхий сайд Л.Оюун-Эрдэнэ улс төрийн болон макро эдийн засгийн тогтвортой байдлыг хангахын төлөө ажиллаж, ҮАБЗ-ийн гурван гишүүн нэг зүгт харж, тогтвортой бодлоготой ажиллах ёстой гэдгийг хэлсэн юм. Тэрбээр "Төр томоохон төслүүдийг гацаадаг байж болохгүй, өмнөх алдаатай бодлогыг давтахгүй. Болж бүтэж байгаа бүх цаг үеийн залгамж бодлогыг хэрэгжүүлж ажиллана" гэсэн юм.