Сайд дарга нар албаны унаанд заларч, энгийн алба хаагчид нь явганаар хөл залгуулна

Ангилал
Нийгэм
Хэзээ
2021/09/15
Унших
6 минут 6 секунд
QR кодыг уншуулж мэдээг утсаараа унших боломжтой.

Нийслэлийнхний ажил, амьдралын ихэнх цагийг өнгөрүүлдэг орчин нь замын түгжрэл гэхэд буруудахгүй. Уурлах нэгэн нь уурлаж, дасах нэгэн нь ч дасчихсан. Түгжрээнээс ангижрах гарцыг аль ч засгийн үед дэвшүүлж, хэлэлцдэг ч түүнээс ажил хэрэг болсон нь үгүй. Метротой болох мөрөөдөл мянгуужингийн үлгэр болж, нийтийн тээврийн хүртээмжийг сайжруулах "бодлоо" үе үеийн хотын дарга нар ярьсаар л явна. Харин сүүлийн үед түгжрэлийг бууруулах гарц, гаргалгаагаа энд тэндхийн өндөр үнэ хаясан бүтээн байгуулалт, парк шинэчлэлтээр бус "төсөрхөн" цалинтай төрийн албан хаагчдаасаа хайдаг боллоо.

Түгжрэлийг бууруулах үндэсний хорооноос төрийн албан хаагчид, яамд, төрийн захиргааны байгууллагууд өөрсдөөсөө үлгэрлэх, түгжрэлийг сааруулахад ямар арга хэмжээ авах боломжтой талаар хэд хэдэн ажлыг туршиж эхэлсний нэг нь төрийн албан хаагчдын хувийн автомашины хэрэглээг хязгаарлах “чалленж”. Тус ажил Сангийн яамнаас эхэлж, үүний дараагаар Д.Сумъяабазар дарга төрийн албан хаагчдыг нийтийн тээврээр зорчуулахаар судалж эхэлсэн талаараа мэдээлсэн. Өчигдөр энэ жишигт Зэвсэгт хүчний Жанжин штаб нэгдлээ. Ингэхдээ бүх шатны албан тушаалтнууд албан ажилдаа ирэх, буцахад хувийн автомашины хэрэглээг хязгаарлаж, анги нэгтгэлийн захирагч нарын албаны машинд байршил тодорхойлогч төхөөрөмжийг тогтмол ажиллуулах, нэн шаардлагатай ажлаас бусад илүү хөдөлгөөнийг хязгаарлах зохицуулалт хийхээр болов. Албаны унааг хувийн хэрэгцээнд ашигладаг дарга нарт сануулга өгч, түгжрэл тойрсон олон асуудлаас үүрэлцэх чухал шийдвэр гэдэгтэй үгүйсгэх аргагүй. Нөгөөтэйгүүр, хэдхэн төрийн албан хаагчдын хэрэглээг нь хязгаарласнаар түгжрэл буурна гэдэг өөрөө маргаантай бөгөөд эргэлзээтэй.

Сайд дарга нар албаны унаанд заларч, энгийн алба хаагчид нь явганаар хөл залгуулна

Шийдэл гаргасан бол түүнийгээ хэрэгжилт, зохицуулалтыг тодорхой болгосон байх ёстой. Сангийн яам л гэхэд 155 ажилтан, алба хаагчидтай. Гэхдээ Сангийн яам ажилчдаа нэгдсэн унаагаар ажилд нь зөөх, ойрхон гэртэй бол ажилдаа алхах, унадаг дугуйгаар зорчих зэргийг ажилчиддаа санал болгосон. Харин Зэвсэгт хүчний жанжин штабаас энэ шийдвэртэй холбогдуулан хийх зохицуулалтын талаар асуухад “Хэрэгжилтийг хангаж ажиллана, хэрхэх нь байгууллагын дотоод асуудал” гэх үгийг л амнаасаа унагаж байна. 10-20-хон хүнтэй хувийн аж, ахуй нэгж ч энэ мэт асуудалд тодорхой шийдэл дэвшүүлнэ. Гэтэл улсын томоохон салбар нь сайдын гаргасан тушаалд хэрэгжилт тавьж ажиллана гэсэн мөртлөө ямар зохицуулалт хийхээ тодорхойлоогүй байгаа бололтой. Тэгвэл Зэвсэгт хүчин ажилтнуудаа өглөө эрт хүүхдээ хичээл, сургуульд нь хүргэж өгөхдөө хэрхэх тал дээр уян хатан хандах уу. Хувийн унааг дан ганц ажилдаа ирж, очихдоо л хэрэглэхээр худалдаж авдаггүй гэдгийг санах хэрэгтэй.

Сайн ярьвал асуудлын цаана ч асуудал бий. Хэдийгээр захирагч нарын албаны машинд байршил тодорхойлогч тавина гэж байгаа боловч цаад санаандаа дарга нар албаны унаагаар зорчиж, энгийн албан хаагчид нь нийтийн тээврээр аль эсвэл явганаар алхах сонголттой л нүүр тулж байна. Тэгвэл тэр нийтийн тээвэр нь бүрэн шийдэгдсэн үү. Багтаамж болон хүрээлцээ тэг гэдгийг Улаанбаатар хотын захын "банхар" ч тодорхой хэлнэ.

"Төрийн захиргааны алба хаагч ч Үндсэн хуульд заасан жам ёсны эрхээр хангагдах ёстой"

Тэгвэл хүний эрх, хууль зүйн үндэс талаасаа энэ нь хэр үндэслэлтэй, зөв шийдвэр бэ. Энэ талаар Хуульч, өмгөөлөгч П.Эрхэмбаяраас тодруулахад “Яам, тамгын газрын ажилтан бол төрийн захиргааны алба хаагч мөн. Хэдий албан үүргийнхээ хүрээнд төрийн захиргааны алба хаагч боловч Үндсэн хуулийн 16 дугаар зүйлд заасан хүний жам ёсны эрхүүд нь хангагдаж ажиллах ёстой. Төрийн захиргааны алба хаагч өргөсөн тангарагтаа үнэнч байх, ашиг сонирхлын зөрчилд автахгүй байх, хууль бус явдал хийхгүй байх гэх мэт үндсэн үүргийг хүлээнэ. Мөн харъяа албан тушаалтны хуульд нийцсэн шийдвэрийг биелүүлэх үүрэгтэй. Харин цэрэгжсэн байдлаар өөрийнхөө өмч, тээврийн хэрэгслийг хязгаарлуулах хууль эрх зүйн орчин байхгүй. Энэ нь Монгол улсын Үндсэн хуулийн 16 дугаар зүйлийн 4-р хэсэгт заасан ажил мэргэжлээ сонгох, хөдөлмөрийн аятай нөхцөлөөр хангуулах, цалин хөлс авах, хувийн аж ахуй эрхлэх, хэнийг ч хууль бусаар албадан хөдөлмөрлүүлэхгүй байх эрхийг ноцтойгоор зөрчиж байна гэсэн үг” гэлээ.

Төрийн ч бай, төрийн бус ч бай аль ч байгууллага ажилчдынхаа ажиллах таатай нөхцөлөөр хангах үүрэгтэй атал энэ мэт зохицуулалтгүй шийдвэр гаргаж түгжрэлийг бууруулна хэмээн ярьж сууна. Замын түгжрэлийг арилгана хэмээн ярихаасаа урьтаад тархиныхаа "түгжрэл"-ийг мултлах хэрэгтэй болов уу, дарга нар аа. Хөрсөн дээр буусан шийдлийг нийслэлчүүд хүлээсээр байна.

Ц.Янжиндулам

Сэтгэгдэл (27)
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!
  1. Зочин

    bi MAH-d sanal uguugui

  2. zochin

    bid baruun 4 zamaas zuun 4 zam hurtel yavgan ajil amjuulj bono shuu dee. Unaanii hereg ter zaid unendee hereggui. Unendee Yaduu baij hudlaa yamblahaas eer zangui l baihgui yu

  3. Зочин

    850 сая доллараар хэдхэн км тэнгэрийн зам нэртэй юм тавина гээд байсан. Хөгжингүй орнуудад тэр хэмжээний замыг үсрээд 15 -20 сая долларт хангалттай өндөр чанартай хийнэ. Монголд хичнээн зуун сая доллараар нь иддэг болж дээ. Аймаар зоригтой идэж байгаа юм шүү

  4. Зочин

    мэдээж хувийн унааг хорилоо эрх зөрчлөө энэ тэр гэнэ шууд цомхтогоо төрийн алба хаачдыг 50 хувь хал тэжээвэрүүд тэнд л байна

  5. Зочин

    Метро,дүүжин тээвэр энэ бүгд огт бзтэхгүй хэрэгжих эдийн засгийг чадамж байхгүй давхар зам ,нүхэн гарц баривал хямд учир хэрэгжиж боломжтой.Эхний ээлжинд баруун зүүн дөрвөн зам,төв холбооны уулзварт хөндлөн чиглэлд суудлын машинд зориулсан давхар зам баривал түгжрэл 40-50 хувь буурна.Нийслэлд явж байгаа тээврийн хэрэгслийн бүх төрлийн татварын заоцуулалтыг ил тод болговол санхүүжилтын асуудлыг шийдхэд нилээд хувь нэмэр болно.

  6. Зочин

    Гэр хорооллыг барилгажуулна гэж роле давхар барилга баривал хотев тугжрэл арилахгуй харин гэр хороолод дулаалга цэвэр бохорын шугам татуаж хаузер хороолол босгох, хотыг гадагш тэгэхдээ хэрэгтэй

  7. б

    Хаанаас гарч ирсэн мал вэ? Наад яриад байгаа заалтаа уншаад ойлгохгүй байгаа юм уу? Машинаар явуулахгүй болохоор ямар жам ёсны эрхэд нь халдаад байнаа. Явган явахаар үхэх гээд байгаа юм уу?

  8. Иргэн

    Дарга нэртэй хүнд сурталтангуудын машин,жолооч, туслах, нарийн бичиг, цай зөөгч,орлогч нарынхаа тоог багасгаж цомхотгох хэрэгтэй. Түүнээс хүний хувийн хэрэглээнд хязгаар тавьж болохгүй

  9. зүч

    Хүний эрхэнд арай дэндүү халдаж байна даа

  10. AAa

    Turiin albanii bolood zah hudaldaa, delguuriin zogsooliin talbaig tulburtei bolgoh. Ehnii 1 tsag ni 5000, daraagiin 1 tsagaas ehleed tsagiin 50000 tugrug bolgochihvol hvmvvs ajildaa mashin unaj ireh ni bagasah bolvuu. Tegehgvi bol ali ch delgvvr zah bolood turiin baiguulaguudad irged vilchlvvleheer ochihoor zogsool oldohgui hetsvv baidag. Delguuriin ezed bolood turiin albaniihan huviin mashinaa avaachaad udurjinguu zogsoold taviad martchihdag.

  11. зочин

    машин бол айл гэр бүлийн хэрэгцээ хүүхдээ цэцэрлэг сургуульд хүргэнэ гэтэл хүний эрхийг хяан боогдуулсан шийдвэр гаргахаа боль өөрсдөө болохоор авгай хүүхдээ суулгаад том том машинаар зорчиж болдог ард түмэн болохгүй гэсэн үг үү

  12. зочин

    төрийн албыг цомхотгоочээ 1 хүний ажлыг 3-5 хүн хийж байна ш дээ бөөн хүнд суртал татвар төлөгчдийн мөнгөөр гараа угаагсад

  13. Иргэн

    Хэдэн зах нэртэй жижиглэнгийн бизнесийг булаасан юмнуудаа хотоос гаргаач

  14. Ф

    БИ МАН СОНГООГҮ

  15. Иргэн

    Нохдууд ийм л шийдвэр гаргасаар ирлээшдээ мэдээгүй гэжүү ноён бөх даргын үед юуч болж магадгүй сэтгэлзүйн бэлтгэлтэй бай

  16. хад

    дарга нарыг тэжээх гэж 30 гаран жил үйлээ үзэж байна даа хэдүүлээ

  17. Зочин

    тийм байна дарга нар түгжирэхгүй дамхих гээд л мануусыгаа золигт гаргаж корана руу түлхэж байгаа юм байна шүү дээ

  18. Зочин

    ийм юм ойлгодоггүй юм уу. дарга нар өөрсдөө түгжирэх явах гээд л ийм шийдвэр гаргаж байхгүй юу даа. одоо бид машинаа яах вэ. дарга нар хямдхаан авах санаатай байгаа юм биш биз . санаа гэж аюултай улсууд юм даа

  19. Зочин

    бид нар хувийн машинаа унаж болохгүй дарга нар болохоор улсын унаагаар явна. Энэ ямар ёс вэ

  20. Зочин

    сайд дарга нар өөрсдөө үлгэр жишээ үзүүлж ажилдаа нийтийн тээврээр ирж очих хэрэгтэй. Германы канцлер Норвегийн ч бил үү Ерөнхий сайдаас үлгэр ав.

  21. зочин

    Хувь албаны машин, тэргийг хязгаарлах нь зөв байхаа. Ажилд очих, харих гэж гудамжинд хорт утаанд өнгөрүүлэхээ больцгоое л доо. Харин автабусыг цагаар цагт нь нэгдүгээр эгнээгээр шуурхай явуулах. Албан газрууд өдөртөө 1-2 үйлчилгээний машинтай баймаар. Бас ажилчдаа нэгдсэн унаагаар зөөвөл түгжрэл эрс буурана, үр хүүхэд гэр бүлдээ зарцуулах цаг хугцаач нэмэгдэнэ.

  22. Зочин

    Машиныг зөвхөн ажилдаа очиж ирэх гэж авдаггүй шүү. Гэр бүлийн хэрэгцээндээ авдаг.

  23. Зочин

    ямар баян төрийн албан хаагчид вэ? заавал хувийн унаагаар зорчино гээд байдаг ингэж бүх ажлыг зориуд унгах гэж ажил хийдэгээ манай сэтгүүлч нар болих хэрэгтэй. тэрний оронд хэвлэл мэдээлэл, банк, ББСБ-ийн эзэдийн зарлах, банкны хүүг бууруулах гээд хүнд хэрэгтэй юмны араас хөөцөлдөж байх хэрэгтэй

  24. иргэн

    Нийтийн тээврийн автобусны тоо нь цөөн, бохир заваан байдлыг засахгүй байсаар байх юм бол хүн бүр л хувийн унаагаараа явахыг хүснэ

  25. Иргэн

    Салга цагаан толгойны метро, амарсайханы агаарын дүүжин хөлөг 400 сая жуулчны замаар тавдугаар цахилгаан станц болсон уж

  26. Зочин

    Зам тавих мөнгөөрөө маш богино хугацаанд Агаарын кабин зоочих хүмүүс суух тун дуртай болно. Хүмүүсийг машиндаа түгжрээд сууж байхад Агаар дээгүүр 40 цагийн хурдтай нисээл гоё шдээ

  27. p

    нийтийн тээвэр 90-ээд оны түвшинд хүрч доройтлоо. автобус хүлээж маш их цаг зарцуулж байна. нийтийн тээврээ хөгжүүлбэл аяндаа машины хэрэглээ буурна