Ц.Элбэгдорж, С.Эрдэнэ хоёргүй Ардчилсан намын нэгдэл гэж байх уу

Ангилал
Улс төр
Хэзээ
2021/09/20
Унших
4 минут 12 секунд
QR кодыг уншуулж мэдээг утсаараа унших боломжтой.

Хоёр хэсэг болж салаад байсан Ардчилсан намынхан өнгөрсөн долоо хоногт нэгдэж, эвийг эрхэмлэнэ гэх улс төрийн жинхэнэ драмаа төрийн ордонд хийсэн. Харамсалтай нь тэдний драм “Цахим үндэстэн” гэх бүх нийтийн шуугиант шоунд нам дарагдчих нь тэр. Уг нь нөхөн сонгуульд орохдоо дэлгэсэн Ардчилсан намын чухал хөзөр байсан юмсан.

Гишүүд дэмжигчдийнх нь хувьд ч, АН-ыг Монголд хэрэгтэй гэж үздэг хэсэг бүлгийн хувьд ч энэ уг нь үзүүштэй сайхан мэдээ. Даанч талуудын байр байдлыг ажиглахад АН-ынхан яг бүрэн утгаараа эвлэлдэж нэгдээгүй гэдэг нь тодорхой уншигдаж байлаа. Наанаа нэгдсэн гэж баахан зураг даруулж, дайллага цайллага болсон ч цаанаа ужиг асуудал нь хэвээрээ байсаар л байгаа бололтой. Тодруулбал, уг үйл явдалд нь С.Эрдэнэ гар бие оролцсонгүй. Тэр байхгүй байна гэдэг нь Ц.Элбэгдорж бас Женкотой гар барих Ардчилсан намын нэгдлийг дэмжихгүй байгаа гэх логик ажиглагдаж байна. Төрийн ордонд болсон уулзалт болон орой нь болсон хундага тулгалтын арга хэмжээнд хэн, хэн нь яагаад ирсэнгүй вэ. Ардчилсан намынхан жинхэнээсээ нэгдэж, Ардын намын эсрэг ард түмэн, гишүүдийнхээ эрх ашгийг хамгаалахаар шийдсэн бол эдгээр эрхмүүд бүгд оролцох байлаа. Гэсэн ч тэд тэгэхийг хүссэнгүй.

С.Эрдэнэ лав тэр орой нь өөрийн сошиал хуудснаа лайв хийж эрх баригчдыг нүүр нүдгүй гөвж суусан. Мань хүн тэр завсраа Х.Баттулгыг хавчуулаад ганц нэг чимхээд авахаа ч мартсангүй. Тэрбээр, намаа хагалсан, төмөр замыг гацаасан хүнээр Х.Баттулгыг нэрлэж, одоо МАН-д зөвлөж буйг нь онцолж байгаад урьдынх шигээ муулж харагдана лээ.

Ийм байхад Ардчилсан нам нэгдлээ хэмээж гишүүд дэмжигчдээ мунхруулсан хий дэмий ши жүжиг тавих хэрэг байгаа ч юм уу, үгүй ч юм үү. Ах нарынхаа “халааснаас” бүрэн гарч амжаагүй М.Тулгат, О.Цогтгэрэл тэргүүтэй шинэ үеийн залууст нь нийлэх хүсэл мянга байвч, араас нь загнаад болиулах ах нар түм байдаг нь гаслантай.

Үүнийг ч батлах мэт Ерөнхийлөгч асан Х.Баттулгын талд зогсож буй О.Цогтгэрэл гишүүн эв нэгдлийн уулзалтынхаа дараа “Ардчилсан намын асуудалд өмнөх байр суурин дээрээ зогсоно. Үзэл санаандаа үргэлжид үнэнч явж, залуу үеэ ойртуулах, намаа нэгтгэх үйлдлийн төлөө өөрийгөө үл хайхран зорьж буй Ардчиллын буурал баатрыг дэмжих Улс төрийн зөвлөлийн шийдвэрийг биелүүлж ажиллана” гэж жиргээд амжив. Энэ үгээрээ арьсаа хамгаалсан гэх үү, бие энд ч сэтгэл тэнд шүү гэдгээ илэрхийлсэн гэх үү бүү мэд. Ямартаа ч тэр АН-ыг өөрсдийн талдаа байгаа гэх хатуу байр сууриа хадгалсан хэвээрээ. Гэсэн хэдий ч Э.Бат-Үүл баатрын төлөө л нөхөн сонгуульд нэгдэж буй гэдгээ битүү, хатуугаар илэрхийлэв бололтой.

Сонгуулийн өмнө арга буюу Э.Бат-Үүл баатрынхаа шахалтаар нэгдсэн дүр хэмээж зургаа татуулсан ч жинхэнэ сөргөлдөгч талууд “хөшигний” цаана муухай царайлсан хэвээрээ л сууцгааж байна. Ардчилсан намыг муудалцаж, хүчтэй сөрөг хүчин байж чадахгүй байх нь эрх баригчдад л ашигтай. Үзэл бодол, үнэт зүйлээрээ нэгдэж чадахгүй бол ямар юмных нь нам байх вэ дээ.

Г.Лхагвадорж

Сэтгэгдэл (19)
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!
  1. Ман гишүүн

    Энэ улсыг яг үнэндээ АН арай гайгүй хөгжүүлэх гэж үзэх юм, МАН харин сөнөөх талын бүх үйл ажиллагааг хийх юм . Яг 100 жилийн өмнөх үйл явдал давтагдахад бэлэн бна. МАН-н хулгайч луйварчид улс орныг сэхээхгүй болгож байгаад Хятадад зарахад бэлэн бна

  2. Зочин

    АН угаасаа сөнөсөн.

  3. Зочин

    UG N ENE 2GUI L BAIVAL AN ARAI TSEVERSHIJ EHLEH YUM BAIGAAYUM DAA HULGAICH LUIVARCHIDAAR DUURCHEED BAIGAA NAM SHUUDEEEEEE

  4. Зочин

    Энэ 2 байвал байлаа гэнэ, байхгүй бол байсангүй гэнэ.Таамаглаап яахав харж байж болъё

  5. зочин

    Өөрөө ардчилсан намын тролл уу?

  6. Дарангуйлагч

    Энд дандаа АН-ыг муулсан харлуулсан зүйлийг МАНгарын троллууд бичжээ! Яг үнэндээ Монгол улсыг самарч сүйтгэж байгаа улстөрийн ганц хүчин бол МАН-шүү дээ!!!

  7. Zochin

    Zurag avhuulahdaa hurtel hoer ardchilsan nam gedegee haruulj bnshde. 2 tolgoitoi uchirn oldohgui balai nam boljee

  8. Зочин

    Erdenee chi hurelsuhiig buudaad Ardchilald tus bolood dald orchih.

  9. зочин

    хагаралдуулах маягтай гарчиг өгдөгөө болих хэрэгтэй. заавал тэр хоёр хүний нэрийг бичиж, зургийг нь дарах ёстой юу.

  10. иргэн

    Улс орныг самарсан. АН -хулгайч хүн хогнууд Гэдэг үнэн урдах гай барцадыг яая гэж байхад.Батүүл ГАРАМГАЙБААТАР гэх луйварчид дахиж идэж хамаарах нээ

  11. зочин

    Энэ хоёр бузар байсан байгаагүй өмхий ардчилсан нам хэрэггүй.

  12. зочин

    Ер нь бол Х.Баттулгагүй бол АН НЭГДЭЖ НИЙЛЖ ЧАДДАГ харин Баттулга ороод ирвэл АН БУТАРДАГ энэ бол ёроолгүй үнэн Баттулгаас АН ХЭДИЙ ХЭР ХУРДАН САЛЖ ЧАДНА ТӨДИЙ ЧИНЭЭ ХУРДАН ХҮЧИРХЭГЖИНЭ энэ бол бодит үнэн. АН бол Баттулгаас бусадтай нь нэгдээд нийлээд явж чадна.

  13. зочин

    Ер нь бол Х.Баттулгагүй бол АН НЭГДЭЖ НИЙЛЖ ЧАДДАГ харин Баттулга ороод ирвэл АН БУТАРДАГ энэ бол ёроолгүй үнэн Баттулгаас АН ХЭДИЙ ХЭР ХУРДАН САЛЖ ЧАДНА ТӨДИЙ ЧИНЭЭ ХУРДАН ХҮЧИРХЭГЖИНЭ энэ бол бодит үнэн. АН бол Баттулгаас бусадтай нь нэгдээд нийлээд явж чадна.

  14. T

    Ene hogiin psdanuudaa taraa

  15. иргэн

    одоо энэ хулгайчуудыг болих хэрэгтэй, наадуул чинь бас хүүхдүүдээ оруулцан байгаа ш дээ ёстой адгийн шарнууд

  16. Зочин

    АН ыг одоо дахин хэн ч сонголтоо болгохгүй байх. Улс орныг яаж самардагийг тэд үлгэр жишээгээр үзүүлсэн. АН олонхи болход луйвар булхай дээд цэгтээ тулдаг шүү

  17. Зочин

    Ард түмэн АН-ыг сонгохоо байсан. Энэ хоёр нэгдлээ ч Бат-Үүлийг сонгохгүй нь ойлгомжтой. Элбэгдорж, Бат-Үүл, Сайханбилэг, Энхсайхан, Баярцогт гээд хүн хогнуудыг сонгох хүн байтугай амтьтан ч байхгүй.

  18. Ардчилсан нам

    Эсгий хийх газар нохой хэргүй гэгчээр энэ 2-ын хэрэг байхгүй ээ. Яагаад гэвэл энэ 2-ын үзэл баримтлал нь өөрсдийгөө дөвийлгөж бусдыг доош хийх улс эх орноо худалдан баяжих хулгай хийх талаараа мэргэшсэн 2 шүү дээ. Залуучууд намаа энэ 2-с цэвэрлэх хэрэгтэй.

  19. МОНГОЛ УЛСЫН ИРГЭН

    САРЫН 300 МЯНГАН ТӨГРӨГНИЙ ТЭТГЭВЭРТЭЙ, 2 сая ТӨГРӨГНИЙ ХАДГАЛАМЖТАЙ, ОРОН СУУЦ БАЙХГҮЙ ХҮҮХДИЙНДЭЭ АМЬДАРДАГ.