ШӨХТГ: Хэрэглэгчийн карт, мөнгөн дүнгийн хязгаарлалтаар шатахуун борлуулж буй үйлдлээ зогсоохыг шаардаж байна

Ангилал
Нийгэм
Хэзээ
2021/09/22
Унших
1 минут 12 секунд
QR кодыг уншуулж мэдээг утсаараа унших боломжтой.

Сүүлийн өдрүүдэд нийслэлийн хэмжээнд шатахууны нөөц багасаж, олдоц муу байгаа. Үүнтэй холбогдуулан нэр бүхий компанийн шатахуун түгээс станцуудаар шатахуун борлуулахдаа тухайн компанийн карттай эсвэл гэрээтэй гэж ялгах, мөн тодорхой хэмжээний мөнгөн дүнгийн хязгаарлалт тогтоон борлуулалт хийж байгаа юм. Тэгвэл тус үйлдлээ нэн даруй зогсоохыг ШӨХТГ-аас Улсын ерөнхий байцаагчийн албан шаардлагаар "Шатахууны худалдаа эрхлэгч аж ахуй эрхлэгчдэд хүргүүлж байна.

Тодруулбал, шатахууны борлуулалтад хязгаарлалт тогтоож буй тус үйлдэл нь Өрсөлдөөний тухай хуулийн 7 дугаар зүйлийн 7.1-т "Зохиомлоор тухайн бараа бүтээгдэхүүний үйлдвэрлэл, борлуулалтыг зогсоох, хэмжээг хязгаарлах гэж заасныг, Хэрэглэгчийн тухай хуулийн 7, 12 дугаар зүйл, Зөрчлийн тухай хуулийн 10.2 дугаар зүйлийн 1.1 дэх заалт, 2 дахь хэсэг, Зөрчлийн тухай хуулийн 10.7 дугаар зүйлийн 9 дэх хэсэг тус тус зөрчигдөх байдлыг үүсгэж байгаа аж.

No photo description available.

Сэтгэгдэл (0)
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!