УУХҮЯ-ынхан “Роснефть“ компанитай хэлэлцээ хийхээр ОХУ-ыг зорьжээ

Ангилал
Эдийн засаг
Хэзээ
2021/09/22
Унших
1 минут 16 секунд
QR кодыг уншуулж мэдээг утсаараа унших боломжтой.

Манай улс шатахууныхаа 95 хувийг ОХУ-аас авдаг. Тодруулбал, ОХУ-ын "Роснефть" компанитай 2018 онд манай хувийн хэвшлийн компаниуд гэрээ байгуулж, 28 тонн шатахуун авсаар ирсэн байна. Харин өнгөрсөн наймдугаар сарын сүүлээр ОХУ-аас 28 тонн шатахуун өгөх боломжгүй, 17 мянган тонн өгнө гэдгээ мэдэгджээ. Улмаар аравдугаар сарын 1-н хүртэл ямарч шатахуун нийлүүлэх боломжгүйгээ мэдэгдсэнээр манай улс шатахууны хомстолд ороод байна.

Хэдийгээр БНХАУ-аас шатахуун авах гэрээ байгуулсан ч вагон тавих боломжгүйн улмаас шатахуун хүлээн авах хугацаа хойшлоод байна.

Тэгвэл УУХҮЯ болон хувийн хэвшлийн төлөөллүүд ОХУ-ын "Роснефть" компанитай хэлэлцээ хийхээр ОХУ-ыг зорьсон гэж УУХҮ-ийн сайд Г.Ёндон мэдээллээ. Тэрбээр "УУХҮЯ болон хувийн хэвшлийн төлөөллүүд ОХУ-ын "Роснефть" компанитай хэлэлцээ хийхээр явсан. Мөн бид ОХУ-ын Элчин сайдтай холбогдон ажиллаж байгаа. Үйлдвэрийн засвар дуусангуут манай улстай гэрээт шатахуунаа яаралтай явуулах хүсэлт тавьж ажиллаж байна" гэлээ.

Сэтгэгдэл (0)
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!