Төмөр замын улсын хил огтлолын цэгийн асуудлаар тохиролцоонд хүрчээ

Ангилал
Улс төр
Хэзээ
2021/10/13
Унших
1 минут 40 секунд
QR кодыг уншуулж мэдээг утсаараа унших боломжтой.

Монгол, Хятадын хилийн Гашуунсухайт-Ганцмод боомтын төмөр замын улсын хилтэй огтлолцох цэгийг тогтоох тухай протоколыг энэ сард багтаан Хятадын талтай байгуулахыг Гадаад харилцааны сайд Б.Батцэцэг, Зам, тээврийн хөгжлийн сайд Л.Халтар нарт даалгалаа.

Монгол Улсын Ерөнхий сайдын 2021 оны зургадугаар сарын захирамжаар байгуулсан Ажлын хэсгээс удирдамж, чиглэлээр хангаж “Тавантолгой төмөрзам” ХХК БНХАУ-ын “Улсын эрчим хүчний хөрөнгө оруулалтын корпораци” компанитай Гашуунсухайт-Ганцмод боомтын төмөр замын улсын хил огтлолын цэгийн асуудлаар гурван удаа хэлэлцээ хийж, 2021 оны аравдугаар сарын 11-нд тохиролцоонд хүрчээ.

Эрдэс баялаг, эрчим хүч, дэд бүтцийн хамтын ажиллагааны Монгол, Хятадын хамтарсан зөвлөлийн III хуралдаан болно

Эрдэс баялаг, эрчим хүч, дэд бүтцийн хамтын ажиллагааны Монгол, Хятадын хамтарсан зөвлөлийн III хуралдаан энэ сарын 15-нд цахим хэлбэрээр зохион байгуулагдана.

Тус зөвлөл нь Монгол, Хятадын эрдэс баялаг, эрчим хүч, дэд бүтэц зэрэг тэргүүлэх салбарын хамтын ажиллагааг цогц байдлаар төлөвлөн хөгжүүлэх, эдгээр салбар дахь томоохон төслийг хоёр талын аж ахуйн нэгжүүд хамтран хэрэгжүүлэхэд дэмжлэг үзүүлэх зорилготой хамтын ажиллагааны механизм юм.

Хуралдаанаар Засгийн газраас БНХАУ-тай хамтран хэрэгжүүлэх сонирхолтой байгаа томоохон төслүүдийг танилцуулж, зарим төслийн хэрэгжилтийг идэвхжүүлэх талаар ярилцах юм.

Сэтгэгдэл (1)
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!
  1. УХААНТАЙХАН ШИЙД ГАРГАЖ СУР

    МОНГОЛ ХЯТАДЫГ ХОЛБОХ ТӨМӨР ЗАМЫН ЦЭГИЙГ 2 УЛС ТОХИРОЛЦОНО ГЭДЭГ САЙН ХЭРЭГ ШҮҮ. ХЭРЭВ БИД ТӨМӨР ЗАМАА НАРИЙН ЦАРИГААР ТАВИАД ХЯТДАД НҮҮРСЭЭ ГАРГАЖ БАЙСАН БОЛ МАНАЙ ОРНЫ ЭДИЙН ЗАСАГТ ҮНЭХЭЭР ХЭРЭГТЭЙ БАЙСАН ДАА ДААНЧ ЕРӨНХИЙЛӨГЧ АСАН БАТТУЛГА ГОЛОМТ БАНКТАЙ ИОХИРЧ ТЭДНИЙ ӨӨРИЙН ХӨРӨНГӨӨР ӨРГӨН ЦАРИГТАЙ ТӨМӨР ЗАМ БАРИАД БАРАГ ДУУСЧ БАЙНА ЭНДЭЭС НЭГ БЭРХШЭЭЛ ГАРНА МАНАЙХ ӨРГӨН ХЯТАД НАРИЙН ЦАРИГИЙН ТӨМӨР ЗАМТАЙ БОЛХООР АЧАА ШИЛЖҮҮЛЭН АЧИХ ИХ ТОМ АЖИЛ ХИЛ ДЭЭР ГАРЧ БАЙНА ИНГЭСНЭЭР ГАРАХ НҮҮРСНИЙ ХЭМЖЭЭ БАГАСАЖ ЦАГ ИХ АЛДАНА,БАТТУЛГА ЕРӨНХИЙЛӨГЧ АСАН ГОЛОМТОД ТӨМӨР ЗАМ ТАВИСАНЫ ТӨЛБӨРТ НҮҮРС ӨГӨХӨӨР ГЭРЭЭ ХИЙСЭН. МЭДЭЭЖ ӨӨРИЙНХӨӨ УНАЦЫГ ЭНД СУУЛГАЁАН НЬ ТОДОРХОЙ ӨМНӨХ ЕРӨНХИЙЛӨГЧ ЭЛБЭГДОРЖ ХЯТАДЫН УДИРДЛАГУУДТАЙ НАРИЙН ЦАРИГААР ТӨМӨР ЗАМ ТАВИХААР ГЭРЭЭГ ХИЙСЭН БАЙХАД ТҮҮНИЙГ ЗОГСООДОГ НЬ БУРУУ БАТТУЛГЫГ ИЙМ ЮМ ХИЙЖ БАЙГААГ ӨНӨӨГИЙН ЕРӨНХИЙЛӨГЧ ЕРӨНХИЙ САЙД БАЙХДАА МЭДСЭЭР БАЙЖ ЯВУУЛСАН НЬ БУРУУ ШҮҮ ДЭЭ. ҮҮНЭЭС Л ХАРАХАД МӨНГӨНИЙ ТӨЛӨӨ ЭХ ОРОН ГЭДЭГ ЮМ ТҮЙ ЦААШАА БОЛСОН НЬ ХАРАГДАЖ БАЙНА.