АН-ын бүлгийн дарга Д.Ганбат талбай дээр суулт зарлаад буй УИХ-ын гишүүн асан С.Жавхлантай уулзлаа. Энэ үеэр УИХ-ын гишүүн асан С.Жавхлан дараах үгийг УИХ дахь АН-ын бүлгийн дарга Д.Ганбатад хэллээ.

Тэрбээр "Та нарт нэг уриалга хүргүүлмээр байна. Чадамжгүй болсон, өмхийрсөн ордноосоо гарч, түмэн олонтойгоо нийл. Их хурлын гишүүнээ өгцгөө. Сэрэлт киноны лам шиг МАН-ын хүмүүсийг орхих хэрэгтэй. Та бүхэн гишүүнийхээ үнэмлэхийг урж хаяад гарч ирээд надтай хамт хэвтэцгээ гэж хүсье. Эх орноо зөв байлгах гэж байгаа бол үүнээс өөр арга зам байхгүй. Ерөнхий сайд Л.Оюун-Эрдэнэд хэлээрэй, УИХ-ын даргадаа хэлээрэй. Худлаа камер харж ярихаа боль. Гарч ирээд уучлал гуйгаад огцор. Их хурал тараад зайлаад өг" гэв.