Энэ мэдээ хуучирсан буюу 2021/10/20-нд нийтлэгдсэн мэдээ болно.

“Багш нарын цалин 200-300 мянган төгрөгөөр нэмэгдэх боломж бүрдэнэ“

Ангилал
Улс төр Нийгэм
Хэзээ
2021/10/20
Унших
1 минут 28 секунд
QR кодыг уншуулж мэдээг утсаараа унших боломжтой.

2022 оны улсын төсөвт эрүүл мэндийн болон боловсролын салбарт томоохон хэмжээний хөрөнгө оруулалт хийх талаар Сангийн яамнаас мэдээлж буй. Боловсролын салбарт хийх шинэчлэлийн хүрээнд багш нарын цалинг нэмэх талаар БШУ-ны сайд Л.Энх-Амгалан мэдээлсэн.
Энэ талаар тэрбээр "Багш нарын суурь цалинг дунд болон урт хугацаанд нэмэгдүүлэх асуудлыг өндөр түвшинд ярьж байж боловсролын чанарыг асуудлыг шаардана. Тиймээс ирэх оны улсын төсөвт багшийн цалингийн гол эх үүсвэр болох нэг хүүхдэд ногдох хувьсах зардлыг бодох аргачилалд өөрчлөлт хийж, суурь цалинг нэмэгдүүлэх бодлогыг тусгасан.
Багшийн суурь цалин өндөр болж байж, түүнээс бодогддог нэмэгдлүүд нь жаахан өндөр болох юм. Бид дунд болон урт хугацаанд энэ зорилгыг тавьж байна.
Багш нар орлого, үр дүн, ур чадварын зэрэг урамшлуулал авдаг. Эдгээр урамшлууллыг олгодог тогтолцоо нь шударга бус. Тиймээс орлого, үр дүнгийн урамшлууллыг суурь цалинтай нь уялдуулснаар багш нарын цалин хамгийн багадаа 200-300 мянган төгрөгөөр нэмэгдэх боломжтой.
Ингэснээр Төрийн албан хаагчдын дундаж цалин 1.2-1.3 сая төгрөгийн түвшинд хүрэх боломж байгаа" гэжээ.

Энэ мэдээ хуучирсан буюу 2021/10/20-нд нийтлэгдсэн мэдээ болно.