Энэ мэдээ хуучирсан буюу 2021/10/21-нд нийтлэгдсэн мэдээ болно.

Ардчилсан намын “хурцын тасгийнхан“

Ангилал
Улс төр
Хэзээ
2021/10/21
Унших
7 минут 58 секунд
QR кодыг уншуулж мэдээг утсаараа унших боломжтой.

Хот айл нэг ч тэнэггүй бол уйтгартай, хоёр бол ихэддэг гэж манай ард түмний хэлц үг бий. Тэнэг гэж үгийг ухаан муутай, явцуу бодолтой гэж Я.Цэвэлийн толинд тайлбарласан байх аж. А гэхээр Я гэдэг, тэмээ гэхээр ямаа гэдэг ийм “хүнд гарууд” АН-д олон. Тэдний тухай янз бүрийн онигоо, явган яриа ч их.

Тэр жил фортуун нэрээр алдаршсан нэгэн сайд байлаа. “Хүн гарын таван хуруутай учраас УИХ-ын бүрэн эрхийг 5 жилээр тогтох, бөөгийн шашинд 99 тэнгэр байдаг учраас гишүүдийг тоо 99 болгох , 8-ын тоо нь баяжин дэвжихийн бэлгэдэл тул 888 төсөл хэрэгжүүлэх гэх мэт төрийн ажлыг судалгаа, логик дээр биш сүсэг бишрэл, дур зорог дээр тулгуурлаж явуулдгаар алдартай. Өр гэдэг үгийг өглөг болгоод өөрчилбөл Монгол улс ямар ч бондын өр төлөхгүй гэж хууль хүртэл санаачилж байв.

Өөр нэг “хүнд гар” уул уурхайн сайд байлаа. Гадаадын хөрөнгө оруулалтыг үлдэн хөөх ажлыг эрчимтэй зохион байгуулж эцэстээ улсаараа хамраа газарт зоосон түүхтэй. Канадад болсон олон улсын хөрөнгө оруулагчдын хурал дээр тэднийгээ хамгийн их үргээж хөөсөн сайд маань “манайд хөрөнгө оруулаарай” гэж гуйлга гуйгаад явсан нь дэлхийд алдартай “Финаншл таймс” сэтгүүл дээр элэг доог болон нийтлэгдэж эрхэм сайдыг маань “Дийк хийт” гэж хүртэл зүхэн бичиж байлаа. “Хүнд гарууд” өөрсдийгөө шившиглээд зогсохгүй улс орноо гүн гүнзгий асуудалд хутгаж, өрийн овоолгод үлдээгээд явсан. Монголын улс төрийн тогтолцоонд хүнд гаруудыг өөхшүүлдэг сул тал бий.

Манай улс төрчид хэлээрээ ойлголцож чадахгүй болмогцоо хөлөөрөө дажиндаж эхэлдэг зуршилтай. Ийм үед юмыг бодож тунгаадаггүй, хараалаа урсгаад дайрдаг “хүнд гар”-ын эрэлт өсдөг. Эрүүл бус ийм үзэгдлийн дараа нэг мэдэхэд төрийн чухал албан тушаалууд тэр чигээрээ “хүнд гарууд”-аар дүүрчих нь олонтой.

Хүнд гаруудын талаар онигоо, явган яриа ч их. Фортуун сайдад нэгэн аж ахуй нэгжээс өргөдөл өгөөд хариу байхгүй алга болж гэнэ. Хариугаа авахаар хөөцөлдөж сайдын туслахтай холбогдтол “танай албан бичиг муу ёрын 6-гийн тоогоор төгссөн учраас сайд хариу өгөхөөс татгалзсан, 8 юм уу 9 болгоод засаад аваад ир” гэжээ.

“Хүнд гар” нэг өдөр өрөөндөө туслахаа дуудаад “чи чинь гайгүй англи хэлтэй биз дээ, эдийн засгийн алуурчин гэхийг юу гэж хэлэх вэ” гэтэл гайхсан туслах нь “экономик киллер л гэх байх даа” гэж хариулж гэнэ. Хэдэн өдрийн дараа яаман дээр нь Олон Улсын валютын сан, дэлхийн банкны төлөөлөгчид албан уулзалтаар иртэл сайд нь тэдэнтэй “Ваатс аап экономик киллерс” гэж мэндчилж олны нүдийг орой дээр нь гаргасан гэдэг.

НҮБ-ын хуралд суухаар явсан “хүнд гар” таван одтой зочид буудалд гал тахих ёслол үйлдэж хамаг дохиоллыг нь ажиллуулж, хамгаалалт аюулгүй байдлын ажилтнуудыг нь баахан сандаргажээ. “Энэ буудалд гал гаргах хориотой” гэж тайлбарласанд уурласан хүнд гар буудлаасаа гарч Нью-Иоркын төв парк дээр галаа үргэлжлүүлэн тахисан ч гэдэг. Сонсоход инээдтэй ч сүүлдээ ханиадам болж дуусдаг ийм “хүнд гарууд” АН-д ихэдчихээд байгаа л даа.

Ойрмогхон АН-ын бүлгийн дарга Д.Ганбат гишүүдээ нэг нэгээр нь хөөж бараг бүлэггүй болох дээрээ тулав аа. УИХ-дахь намын бүлгийн гишүүнийг хөөдөг эрх мэдэл хуулиараа түүнд байхгүй. Харин бүлгийн даргаа сольж, чөлөөлөх нь бүлгийн гишүүдийн эрхийн асуудал. Тэд дотооддоо хурлаа хийгээд олонхийн саналаар бүлгийн даргаа өөрчлөх шийдвэр гаргасан бололтой байгаа юм. Гэтэл мань эр тийм юм байхгүй гэж тас гэдийж албан бланк дээрээ тэрийг энийг хөө гэдэг тушаал, тогтоол урсгаж гарав. УИХ-д 11 суудалтай сөрөг хүчин 62 суудалтай эрх баригчдаас 3 сайдын суудал хүссэн гэдэг яриа ч гарлаа. Үнэхээр тэгж гуйсан гэдгээ мань эр ч хүлээн зөвшөөрөв. Үлгэн салган бүлэгтэй яваа ийм сөрөг хүчин эрх баригчидтай хамтарсан Засгийн газар байгуулна гэдэг сэрүүн зүүд. Ийм тэнэглэл парламентын түүхэнд болж байгаагүй, болох ч үгүй. Гэтэл ийм тэнэглэлээ зөвтгөж, болно бүтнэ гэж харах ухаан байгаа нь агуугаас агуу тэнэглэл билээ.

Нэгэнт гишүүдтэйгээ хэлээрээ ойлголцохоо больсон бүлгийн дарга хөлөөрөө жийлцэхээр шийджээ. Түүнд одоо юм боддоггүй, шулуухан мөргөдөг дөргүй бух хэрэгтэй. Яг ийм бух нь бэлэн байж таарав. Хэнийг ч “бацаан минь” гээд дуудчихдаг халхын сайхан гүндүүгүй эр Д.Мөнх-Эрдэнийг тэрбээр бүлгийн зөвлөхөөр ажилд авлаа. Хотын захиргаа, яам хавиар Загдаа стилээр “лайвдаж” дэлбэлж явсаар мань эр одоо төрийн ордонд “лайвдах” эрхээ олж авлаа. Гишүүдээ айлгаж ичээж, жураманд нь оруулах ажилд түүнээс өөр тохирох хүн үгүй. Тун удахгүй бид АН-ын хэдэн гишүүдийг тэнэг бацаанаар дуудуулах шинэ реалити шоу үзэж мэднэ. Ингэж тэднийгээ номхруулаад дуусвал удахгүй МАН-ын гишүүдийн өрөөгөөр тойрох нь ойлгомжтой.

Бүлгийн зөвлөх гэдэг ялагдсан намд төр талаасаа өндөр албан тушаал. Зүйрлэвэл сайд хавьцаа л гэсэн үг. Хэрвээ цаг эргэж АН хэзээ нэг өдөр ялалт байгууллаа гэхэд албан тушаалын тэргүүн фронтод түрүүлж алхана. Товчхондоо АН-ынханд хэлээ ололцох хүсэл сонирхол, тэвчээр хүлцэл аль аль нь устаж алга болжээ. Дараагийн “хүнд гарууд” уралдаанд хүч түрэн орж ирлээ. АН-ын тэнэглэллийг хөхүүлэн дэмжиж Д.Ганбатыг бүлгийн даргаар нь хэвээр үлдээж АН-ыг салбархай амбаар ч үлдээлгүй дэлбэлэх хорон улс төрийг одоогийн УИХ-ын дарга Г.Занданшатар зохион байгуулж байгаа гэж АН-ын гишүүд хэлж ярих болов. Хууль дүрэм, ардчиллын зарчмаа хүндлээд улс төрийг зүй бус тэнэглэл рүү оруулчихгүйн тулд Д.Ганбатыг сөрөг хүчний бүлгээс холдуулах нь МАН-д алсдаа хамаатай асуудал. Учир нь тэнэглэл хурдан халдварладаг. Ийм үсэрхийлэл МАН-д газар авбал ужиг өвчнөө яая гэж байгаа Монголын улс төр бүрэн утгаараа тэнэглэлд эзлэгдэж дуусна. Тоглоом тоотой нь дээр байдаг даа.

Энэ мэдээ хуучирсан буюу 2021/10/21-нд нийтлэгдсэн мэдээ болно.
  1. Зочин

    Энэ 2- т сэтгэцийн эмгэгийн удам бий юу?! Эцэг эхийн талаас нь ойрын 3-4 үеийн хүмүүс хэн нэг нь галзуурч байсан ч юм уу,? Эсвэл эцэг эх нь хоёулаач юмуу? аль нэг нь архины архаг хамааралтай хүн байсан уу?! гэдгийг Баянхонгорынхоноос тодоруулах юмсан!! Мэрэгжлийн хүнд нэг л тийм харагдаад байгаам даа!!??

  2. 2 р ээлжийн гахайнууд

    МАН-ын мангуу меланхойлогийн тасгийнханд Хүрэлсүх,Оюун-Эрдэнэ,Сумьяабазар гэсэн боловсролгүй маанагууд орно.

  3. иргэн

    Тэнэгрэлийн үе шат

  4. Зочин

    Энэ Ганбат солиотой нь яг үнэн.Энэ нөхрийг зайлуулайгүй тохиолдолд АН хэзнн ч өөдлөхгүй.

  5. Зочин

    ЭНЭ ӨГҮҮЛЛЭГИЙГ БИЧСЭН ХҮН МАШ ЗӨВ ЮМ БИЧИЖ. ҮНЭХЭЭР АРДЧИЛСАН НАМААС МӨНГӨ,ЭРХ МЭДЭЛ,ЭСВЭЛ ХӨГШӨРСНӨӨ МЭДЭХГҮЙ АЛТАН ХАРААЦАЙ ГЭЖ ӨӨРСДИЙГӨӨ НЭРЛЭЖ ХӨӨРӨГДӨЖ,УЛС ТӨРИЙН ХОР НАЙРУУЛЖ СУУДАГ ӨӨДГҮЙ ХҮМҮҮС ИХ БАЙНА.МАН ЗӨВ ШИЙДВЭР ГАРГАВАЛ ТҮҮНИЙГ ДЭМЖДЭГ БАЙХ.ГЭТЭЛ ЗӨВ Ч БАЙСАН УЛС ТӨРЖҮҮЛЖ ХУТГАН ҮЙМҮҮЛДЭГ.МАН БУРУУ ШИЙДВЭР ГАРГАВАЛ ТҮҮНИЙГ НЬ ЮУ Ч ҮГҮЙ БОЛТОЛ НЬ ШҮҮМЖИЛЖ ЭРС ЭСЭРГҮҮЦЭХ ЁСТОЙ БАЙТАЛ АРД ТҮМНИЙ ЭСРЭГ ГАРГАСАН УИХ ГИШҮҮД ДОТОР АН ЦОХИЖ ЯВАХ ЮМ. ЭНЭ БОЛ УЛС ТӨРИЙН ШИЙДВЭР,БОДЛОГО ГАРГАХ ЧАДВАРГҮЙ БОЛСОНЫ Л ШИНЖ. ИЙМ БАЙХАД АН ЯАЖ ӨӨДЛХӨВ ДЭЭ. АН ИЙМ БАЙГААД МАН ЯМАР Ч БУРУУГҮЙ. ЭНЭ БОЛ ЦЭВЭР ӨӨРСДӨӨСӨӨ БОЛЖ БАЙГАА АСУУДАЛ Л ЮМ.

  6. ккк

    Занданшатар энд огт хамаагүй, АН-ын өөрсдийн тэнэглэл

  7. Иргэн

    Гарчгийг тун онож өгчээ.

  8. Зочин

    Эдгийг бүгдийг нь Шар хадны эмнэлэгт өгөөд АН- хан Шинэ АН- аа байгуулсан нь дээрюм биш үү. Эд гар эдгэхгүй өвчтөй бололтой..

  9. Иргэн

    АН улс төрийн тавцангаас бүр мөсөн арчигдах өдөр удахгүй ирнэ дээ

  10. Зочин

    Монголын инээдэм ханиад болох вий дээ

  11. Зочин

    Ene nuhur uuruu debilee haruulsan bn,iimerhuu shaldar bulidar yamaar humuusiig uuluud bicheed baival MAN ch mangar garuud mash ih mongolchuud hugjuugui baigaa ni100 jiliinhee hugatsaand 96 jild ni turiig unemlehui olnooroo barisan ni buruutai yu esvel 4jild ni dangaaraa busad 4 jild ni MAN,MAHNtai hamtarch barisan ni buruudah uu eruul uhaanaar bod doo,sogtuu uedee bol bodoj hereggui

  12. зочин

    Энэ сэтгүүлч яг л үнэнийг бичсэн байна.

  13. иргэн

    Сонгуулиар төр барина гэдэг чинь хурцын тасгийнхан төр барина гэсэн үү. Ард түмэн мөнгөнд хууртаж хурцын тасгийнхныг сонгоод байна гэж ойлгохоос яалтай билээ.

  14. зочин

    энэ хоёрын нүд их адилхан байна шүү эрүүл лав бишээ хөөрхийсдөө

  15. зочин

    Бетон Ганбат эрүүл байгаадаа их л халуунтай байх шиг ойрд биеээ бодоорой хорих ангид очиж галзуураад л УИХ-н индэр дээрээс ч орилоод нам бус намаас хүн хөөгөөд л мөн ч таахалзаж байна даа хөөрхий

  16. Фортууныг санаж байна

    Нээрээ Фортуун сайдаа санаж байна шүү. Алтанхуяг чинь Алтантуяа гэдэг нэртэй байсан нэрээ солиод Ерөнхий сайд болсон гээд л дураараа задгай сайхан авдаг байж билээ.

  17. ИРГЭН

    "үнэнч нь үүдэнд, худалч нь хойморт", "

  18. зочин

    хэдэн балай юмнууд дотороо хөлөө жийлцээд эргүү хэдэн юмнууд

  19. Зочин

    Хүчээ нийлүүлсэн бүлэг хулгайчдын дунд хурцынхан байхад маш сайн

  20. Зочин

    Үнэн. УИХ-ын танхимд хурцын тасгийнхан сууж байна.

  21. Зочин

    ХЭН ХЭНИЙГЭЭ ХЭЛЭЛТГҮЙ ТЭМЦЭЖ БАЙГАА НЭГНЭЭ БҮҮ ДООШ ХИЙ АРД ТҮМНИЙ АМЬДРАЛ САЙХАН БАЙХАД ЭД ТЭМЦЭЭД БАЙГАА ЮМ УУ

  22. Зочин

    Ха ха яг л үнэндээ монголын улс төрийн өнгийг ухаантнууд нь бус элий балайнууд нь тодорхойлж дэлхийн шившиг болгож байна..Энэ нь угаасаа сонгогч иргэд бидний хариуцлагагүй сонголт ийм байдалд оруулсан шүүдээ.Төрийн эрх барих хууль тогтоох УИХ-даа Самандын Жавхлан мэтийн хоосон толгойтой элий балайн байгалиас заяасан уян хоолойд нь хууртагдана.,Сумьяабазар мэтийн хөлдүү мунаг бөхчүүдийн хүч тамирыг нь өв тэгш бурхан мэт шүтчихсэний гай.Төрийн жолоог эрдэм мэдлэгтэй,эх орныхоо хувь заяаны төлөө зүрх сэтгэлээ зориулах холч ухаантай цэвэр ариун ёс суртахуунтай хуулийг дээдэлдэг хүнийг сонгодог бол монгол маань ингэтлээ доройтохгүйсэн.

  23. Зочин

    Тэнэглэл биш мунхаглал.

  24. Зочин

    АН -д олон мэдрэлүүд бий. МАН-д ч бас олон мэдрэлүүд бий шүү дээ. УИХ гишүүний албан тушаалдаа эрдэн 10 тэрбумын үнэтэй нисдэг тэргээр үнэг агнаж явад унагаасан Симба Батаа гэж нөхөр бий.