Н.Сувд: Үзэгчгүйгээр театр оршин тогтнохгүй, үзэгчид та бүхэндээ маш их баярлалаа

Ангилал
Нийгэм
Хэзээ
2021/11/24
Унших
0 минут 58 секунд
QR кодыг уншуулж мэдээг утсаараа унших боломжтой.

Улс тунхагласны баярыг тохиолдуулан урлаг соёлын зарим эрхэмд шагнал гардуулах ёслол болж өндөрлөлөө.

Тодруулбал, Монгол Улсын ардын жүжигчин П.Цэрэндагва, Н.Сувд нарт Хөдөлмөрийн баатар цол олгосон юм.

Энэ үеэр Хөдөлмөрийн баатар Н.Сувд "Өнөөдөр би хамгийн түрүүнд шинэ Монгол Улсад орчин үеийн мэргэжлийн театрыг үүсгэн байгуулах гэж итгэл зүтгэл, оюун санаа, авьяас билгээ дайчилсан ахмадууддаа баярлалаа гэж хэлмээр байна.

Тэдний зүтгэл, тэдний хүсэл бидэнд өнөөдөр шагнал болон бууж байна. Мөн үзэгчгүйгээр театр оршин тогтнохгүй. Тийм учраас үзэгчид та бүхэндээ маш их баярлалаа. Та бүхний хүчээр Монголын театр өдий хүрсэн юм шүү" гэлээ.

Нэмж дурдахад түүний ээж Л.Цогзолмаа нь Хөдөлмөрийн баатар билээ.

Сэтгэгдэл (0)
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!