Энэ удаагийн парламентад 13 эмэгтэй гишүүн ажиллаж буй. Тодруулбал, МАН-аас Д.Сарангэрэл, Х.Булгантуяа, Б.Баярсайхан, Ц.Мөнхцэцэг, Г.Мөнхцэцэг, Ч.Ундрам, Д.Өнөрболор, Б.Саранчимэг, М.Оюунчимэг, Б.Жаргалмаа, П.Анужин нар болон АН-аас С.Одонтуяа, А.Адьяасүрэн нарын гишүүд бий.

MEC судалгааны байгууллагаас улс төрийн хүрээнийхний үйл ажиллагаанд өгөх иргэдийн үнэлгээнд сар бүр тандалт хийж танилцуулдаг. Тэгвэл Улаанбаатар хотод оршин суудаг сонгуулийн насны 1008 иргэнийг хамруулсан УИХ-ын эмэгтэй гишүүдийн үйл ажиллагааны үнэлгээний судалгаанд УИХ-ын гишүүн Д.Сарангэрэл, С.Одонтуяа нар тэргүүлж, М.Оюунчимэг удаалж байна. Харин эмэгтэй гишүүдийн дундаас Д.Өнөрболор гишүүн сүүл мушгиж хамгийн бага үнэлгээг авчээ.