Энэ мэдээ хуучирсан буюу 2022/01/21-нд нийтлэгдсэн мэдээ болно.

Казахстаны үймээн: “Та нар дахин жагсаал хийхээр гарч ирвэл бид та нарыг хөнөөх болно”

Ангилал
Дэлхий дахинд
Хэзээ
Унших
1 минут 49 секунд

Бууны суманд өртөн Казахстаны хамгийн том хот болох Алмата хотын эмнэлэгт эмчлүүлж буй Асел бодит нөхцөл байдалд юу болсон талаар дурсжээ. Жагсагчидтай тэмцэлдэж байсан цагдаа нарын нэг нь “Та нар дахин жагсаал хийхээр гарч ирвэл бид та нарыг хөнөөх болно” гэж хашгирсан талаар Асел хэлжээ.

Асел бусдын нэгэн адил нэгдүгээр сарын эхээр хийн түлшний үнийн өсөлтийг эсэргүүцсэн тайван жагсаал цуглаанд нэгдсэн. Гэтэл жагсаал нэг л мэдэхэд үймээн, самуун дээрэм тонуул болж хувирсан байна.

Эрх баригчдыг эмх журам тогтоохын тулд хэт их хүч ашигласан гэж буруутгаж байна. Албан ёсоор 225 хүн амиа алдаж, олон хүн шархадсан байна. Эмх замбараагүй байдлын улмаас 10,000 орчим хүнийг баривчилсан гэж эрх баригчид мэдэгдэв.

Казахстаны Ерөнхий прокурорын газар 700 орчим эрүүгийн хэрэг үүсгээд байна. Яллагдагсдын заримыг терроризм, хүн амины, засгийн газрыг түлхэн унагаахыг оролдсон хэрэгт буруутгаж байгаа юм. Гэвч хүний ​​эрхийн байгууллагууд эрх баригчид жагсаалд оролцсон хүн бүр, тэр дундаа тайван жагсагчдыг хэлмэгдүүлж байна гэж мэдэгджээ.

Жагсаал цуглааныг дэмжин Facebook хаягаараа нийтлэл бичсэн хүмүүсийг ч саатуулж байгаа ажээ. Хүчний байгууллагууд шалгагдаж байгаа хүмүүсийг эрүүдэн шүүж буй гэх мэдээлэл байгаа ч эрх баригчид үүнийг илт хуурамч мэдээлэл хэмээн үгүйсгэж байгаа юм.

Эх сурвалж: BBC

МУГТ Н.Төгсцогтын тулаан маргааш болно
 
Ц.Очгэрэл: Зорчих эрхийг хязгаарлах ял нь Монгол Улсын эрүүгийн ял шийтгэлийн бодлого дахь шинэтгэлийн нэг үндсэн чиглэл
Энэ мэдээ хуучирсан буюу 2022/01/21-нд нийтлэгдсэн мэдээ болно.