Өнгөрсөн гуравдугаар сарын 17, 19-ний өдрийн үндэсний бөхийн барилдаанд шөвгөрсөн 14 бөхийн хоёроос нь допинг илэрсэн байна. Тодруулбал, тус барилдаанд барилдаж шөвгөрсөн 14 бөхөөс допингийн явцын шинжилгээ авсан аж. БНСУ-ын лабораторид шинжилсэн сорьцийн хоёр шинжилгээнээс хориотой эм бэлдмэлийн жагсаалтад багтсан нэг төрлийн бодис илэрсэн гэсэн хариу өнгөрсөн дөрөвдүгээр сарын 25-нд ирүүлсэн байна.

Тиймээс Олон улсын Допингын эсрэг байгууллагаас гаргасан журмын дагуу хоёр бөхөд хариуг мэдэгдэхэд хориотой эм бэлдмэл хэрэглэсэн шалтгаанаа дурдан, буруугаа хүлээн уучлал хүсэж, ямарваа нэгэн шийтгэл, хариуцлагыг хүлээн авахаа мэдэгдсэн өргөдөл, хүсэлт гаргажээ.