Нийслэлийн ардчилсан намаас "Монголоо Беларусь болгохгүй" нэртэй цуглааныг Хэлмэгдэгсдийн хөшөөний дэргэд зохион байгуулах үеэр зарим иргэд гавьяат жүжигчин Д.Сосорбарам руу гурил цацсан. Эл үйл явдалтай холбогдуулан АН-ын дарга асан С.Эрдэнэ дараах байр суурийг илэрхийлжээ.

Тэрбээр "Өнөөдөр ардчилсан Монгол Улсын иргэн зөвхөн үзэл бодлоо илэрхийлсний төлөө нүүр лүүгээ гурил цацуулж доромжлуулах ёсгүй. Д.Сосорбарам та бүхний гурил цацах эрхийн чинь төлөө тэмцэж ирсэн хүн юм" гэв.