Унгарын Ерөнхий сайд Орос, Украины дайнаас үүдэн тус улсын аюулгүй байдал, эдийн засагт аюул заналхийлж буйтай холбогдуулан өнгөрсөн мягмарт гарагт улс орон даяар онц байдал зарлажээ. Тэрбээр "Украины дайн хэзээ дуусахыг урьдчилан таамаглах боломжгүй тул шинэ засгийн газар асуудлыг шийдвэрлэх арга хэмжээ авсан" хэмээн өөрийн цахим хуудсаараа дамжуулан мэдэгдсэн байна.

Мөн тэрбээр "Дайнаас үүдэлтэй аюул заналхийллийн эсрэг улс орныг ямарваа нөхцөл байдалд бэлэн байлгах яаралтай арга хэмжээ авах нь амин чухал" гэжээ.