Энэтхэгийн Калькут хотын нисэх буудалд газардсан Air India Express компанийн онгоц буух зурвасаасаа гарч, 10 метрийн өндөр эргээс унан, хоёр хуваагдсан байдалтай байна. Зургийн эх сурвалж: CNN

Энэтхэгийн өмнөд хэсгийн Керала мужид Air India Express нисэх онгоц осолдсоны улмаас 18 хүн амиа алдсан талаар бид өчигдөр мэдээлсэн билээ. Тэгвэл амиа алдсан 16 зорчигчийн дунд 4 хүүхэд байсан гэж албаны хүмүүс мэдэгджээ.

Тэдгээр 16 зорчигч бүгд Кералагийн оршин суугчид байсан ба зорчигчдоос гадна онгоцны 2 нисгэгчийг оруулаад нийт 18 хүн уг ослоор нас баржээ.

Air India Express-ээс гаргасан нислэгийн манифестын дэлгэрэнгүй мэдээллээр хамгийн залуу хохирогч дөнгөж нэг настай байсан аж. Харин нас барсан хамгийн ахмад зорчигч нь 61 настай байжээ.

Хохирогчдын нэг нь коронавирусний халдвар авсан байсан гэж Кералагийн ерөнхий сайдын мэдэгдсэн байна.

Эх сурвалж: CNN

Х.Үүрийнтуяа