Нийслэлийн АН-ын Хэрэг эрхлэх газрын даргаар П.Билгүүнийг томиллоо

Өнгөрөгч дөрөвдүгээр сард Нийслэлийн Ардчилсан намын даргаар Б.Ган-Очир сонгогдсон. Үүнтэй холбоотойгоор нийслэлийн нам дээрх удирдлагын бүтэц шинэчлэгдэж буй. Тухайлбал, Ардчилсан намын Ерөнхий нарийн бичгийн даргын зургаадугаар сарын 3-ны өдрийн Б/84 дүгээр тушаалаар Нийслэлийн Ардчилсан намын Хэрэг эрхлэх газрын даргаар Пүрэвсүрэнгийн Билгүүнийг томилжээ. П.Билгүүний хувьд сүүлийн таван сарын хугацаанд Ардчилсан намын дотоод шинэчлэл чиглэлд PR олон нийттэй харьцах ажлыг хариуцан ажиллажээ.