Ө.Шижир: Ардчилсан намын ЕНБД-аар манай үеийн төлөөллөөс томилогдоосой гэж хүсэж байна

Ардчилсан намын Ерөнхий нарийн бичгийн даргын үүрэг гүйцэтгэгчээр Сангийн сайд асан С.Баярцогтыг томилоод буй билээ. Үүнтэй холбоотойгоор удахгүй намын ҮБХ дахин хуралдаж, үүрэг гүйцэтгэгчийг жинхлэх эсэх асуудлыг авч хэлэлцэх юм. Тэгвэл намын ЕНБД-д ямар хүнийг дэмжих талаар УИХ-ын гишүүн Ө.Шижир дараах байр суурийг илэрхийлэв. Тэрбээр "Ардчилсан намын ЕНБД-аар манай үеийн төлөөллөөс томилогдоосой гэж хүсэж байна. Тэгээд ч ҮБХ-ны 60 орчим хувь нь 39-өөс доош насны залуучууд. Энэ төлөөллөөс оруулбал би дэмжинэ" гэлээ.