Түүхий нүүрс түлж буй талаарх мэдээллийг 102 дугаарт хүлээн авч байна

Хүйтний эрч чангарсан өдрүүдэд нийлслэлд агаарын чанарын индекст өөрчлөлт орж байгаа тул холбогдох албаынхан хяналт шалгалтыг эрчимжүүлээд буй. Тухайлбал, өнгөрсөн долоо хоногийн байдлаар нийслэлийн төвийн зургаан дүүргийн хэмжээнд 15 тонн түүхий нүүрс оруулж ирснийг илрүүлж хураасан. Тэгвэл түүхий нүүрсний хэрэглээний талаарх гомдол, мэдээллийг 102 тусгай дугаарт хүлээн авч байна. Ингэхдээ зөвхөн түүхий нүүрс төдийгүй дугуй, хаймар, тос масло зэрэг зориулалтын бус агаар бохирдуулагч зүйлсийг шатаасан тохиолдолд ч 102 дугаарын утсанд мэдээлэх боломжтой аж.