Өсвөр насны охид нэгнээ зодож, удаа дараа дарамталсан гэх хэргийг цагдаагийн байгууллага шалгаж эхэлжээ

Олон нийтийн цахим сүлжээнд нэгэн иргэн өсвөр үеийн охидууд дүүг нь дээрэлхэн, бие махбодид нь халдаж удаа дараа айлган сүрдүүлсэн гэх мэдээллийг нийтэлсэн. Тэгвэл уг хэргийг цагдаагийн байгууллагаас хэрэг бүртгэлтийн хэрэг нээн, шалгаж эхэлжээ.

Тухайн иргэний мэдээлснээр "2024 оны 12 дугаар сарын 14-ний 21 цагаас 22 цагийн хооронд миний дүүг хоёр удаа ухаан алдтал нь зодсон. Өдий бодтол дүүг минь чатаар болон таардаг газартаа дарамталж сүрдүүлсээр. 2024 оны 12 дугаар сарын 15-нд миний дүүг зодчхоод найзуудтайгаа групп чат нээн шоолж доромжилсон. 2025 оны гуравдугаар сарын 4-нд дахин групп чат нээн сүрдүүлсэн. 16,17 настай охидууд байж хэл ам нь дийлдэхгүй. Энэ хүүхдүүдэд хуулийн хариуцлага тооцтол явна" гэжээ.