Баар, караоке эрхлэгчид үйл ажиллагаагаа өнөөдрөөс нээхээ мэдэгдлээ

Нийгэм
UBn teamУнших: 1 мин 20 сек
20
legacy:Умаахан зураг/0809/бар.png

Баар, караокены үйл ажиллагааг хариуцлагын гэрээ байгуулан үе шаттайгаар нээх үүрэг даалгаврыг Нийслэлийн Засаг дарга бөгөөд Улаанбаатар хотын Захирагч, Нийслэлийн Онцгой комиссын дарга Д.Сумъяабазар өгсөн. Гэвч өнөөдрийг хүртэл нээх шийдвэр нь албажаагүй учраас тус чиглэлээр үйл ажиллагаа явуулдаг ААН-үүд мэдэгдэл гаргаад байгаа юм. Тус мэдэгдэлдээ, "Төр засгийн ковидтой тэмцэх бодлогыг хүндэтгэн өнөөдрийг хүртэл хорио цээр, эрүүл ахуй халдвар хамгааллын дэглэмийг чандлан баримталлаа. 2020 оны нэгдүгээр сарын 27-ны өдрөөс эхлэн хамгийн удаан хугацаанд хязгаарлагдсан салбар бол караоке, баар. Хоёр жилийн хугацаанд хаахад караоке, баарны салбарынхан хамгийн их хүлээцтэйгээр төр засгийн шийдвэрийг хүндэтгэн дагасаар ирсэн билээ. Бизнес эрхлэгч нар үйлчлүүлэгчдээ алдахгүйн тулд үйлчлүүлэгчийн шинэ тутам гарч ирж байгаа хэрэгцээ шаардлагад нийцүүлээд үйлчилгээгээ сайжруулаад хамтдаа эрүүл ахуй, халдвар хамгааллын дэглэмд нийцсэн үйлчилгээ, стандартыг хамтдаа бий болгоод явах болно. Энэхүү мэдэгдэлээрээ бид цаашид энгийн горимоор нэмэлт дуу хөгжмийн тоног төхөөрөмжөө ажиллуулан энгийн горимоор ажиллахаа мэдэгдэж байна" гэсэн юм.

Мэдэгдэл гаргаад байгаа аж ахуйн нэгжүүд:

Amure karaoke / Амуре караоке

S13 караоке / karaoke

Venice Karaoke / Венец караоке

VOX event karaoke / вокс караоке

Энэ талаар мэдэгдэл гаргаад байгаа караокены зохион байгуулагчаас тодруулахад, "Энэ хугацаанд хамгийн тэвчээртэй байсан аж ахуйн нэгжүүд бол манайхан. Өнөөдрийг хүртэл бид тэвчээртэй хүлээлээ. Бусад ижил үйлчилгээ эрхэлдэг аж ахуйн нэгжүүдээ нэгдэхийг уриалж байна. Халдвар хамгааллын дэглэмээ сахиад л үйл ажиллагаагаа явуулна. Нэг удаагийн микрофоны маскыг үйлчлүүлэгчдэдээ хэрэглүүлээд, халдвар, хамгааллаа барьж ажиллана. Манайх өнөөдрөөс эхлэн үүд хаалгаа нээж үйл ажиллагаагаа явуулна. Мөн үйлчлүүлэгч гарах тоолонд ариутгал халдваргүйтгэл хийнэ" гэв.

legacy:Умаахан зураг/0809/ба.jpg
Хуваалцах:20

СЭТГЭГДЭЛ (2)

Анхаар! Та сэтгэгдэл бичихдээ хууль зүйн болон ёс суртахууныг баримтлана уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй.

Сэтгэгдэл үлдээх

  • I
    irgen

    za bolie, tedgeeriig nej yah gesen yum be? Arhidalt, yanhalt gemt hereg tegeed olon surug dagavartai er ni iim turpin business erhlegchid uur ashig tustai uil ajillagaa yavuulaach dee. Hyalbar argaar mungu oloh gesen ene metnin uil ajillagaag buren zogsooe!!!

  • Z
    Zochin

    Arai l yum bushuu Tur zasagiinhaa shiidveriig hundetgehgui .Tsar tahal gedeg chinu ta nariin bodoj baigaa togloom shig bish shuudee .Ta nar orlogoo bodood needeg Mongolchuud ugnaasaa uhamsar muurai humuus ,deer nu arhind durtai ,duu duulah changaar orilohod hamgiin ih shula viruus userch tarhsna gej delhiin eruul mendiin baiguullaga zuvluj baigaa Ta nariin amia bodsin buruu uildelees bolj mash ih hjn uhd hurvel gen hariursahuu