Осолдсон онгоцны зорчигч “Яг одоо би сүүлчийн үгээ хэлэх ёстой юу“ гэж гэр бүлийнхэндээ мессеж бичиж үлдээжээ

БНСУ-д өнөөдөр өглөө 09.05 цагт "Jeju air" компанийн онгоц осолдсон харамсалтай хэрэг гарсан талаар мэдээлсэн билээ. Тодруулбал, 181 зорчигчтой нислэгийн багийн 6 гишүүнтэй нисэж байсан тус онгоц нь Бангкок хотоос Муан хотын олон улсын нисэх онгоцны буудалд газардах үедээ осолдсон юм. Хамгийн сүүлийн мэдээгээр 181 зорчигчийн 179 нь амиа алдсан талаар Yonhap News мэдээлэв.

Осолдсон онгоцны зорчигч "Шувуу хөдөлгүүрт гацсан учраас бид газардах боломжгүй. Яг одоо би сүүлчийн үгээ хэлэх ёстой юу" гэж гэр бүл рүүгээ мессеж бичиж үлдээжээ.

Гэр бүл нь осол гарахаас хэдхэн минутын өмнө дээрх мессежийг хүлээж авсан байна. Дээрх мессежийг бичсэн хүн амьд эсэх нь тодорхойгүй байна.