Жолооч нар торгуулиа хугацаанд нь төлөхгүй бол оношлогоонд орох, шилжилт хөдөлгөөн хийхийг хориглох зэрэг 7 төрлийн арга хэмжээ авна

Авто замын хөдөлгөөний дүрэм зөрчсөн жолооч нар торгуулиа хугацаанд нь төлвөл шийтгэлийг 50 хувиар хөнгөрүүлнэ. Хэрэв жолооч нар торгуулиа төлөхгүй бол нэмэгдэнэ. Нэг жилийн хугацаанд төлөх шаардлагатай. Нэг жилийн хугацаанд мөнгөн дүн тухайн торгуулийн 50 хүртэлх хувиар нэмэгдэнэ гэдгийг Хууль зүй, дотоод хэргийн сайд Б.Энхбаяр танилцууллаа.

Нэг жилийн дотор торгуулиа төлөхгүй бол дараах 7 хязгаарлалтыг тухайн иргэнд хийнэ.

-Тээврийн хэрэгслийг хяналт, үзлэг оношилгоонд оруулахыг хязгаарлана

-Тээврийн хэрэгслийн эзэмшлийн шилжилт хөдөлгөөн хийхийг хязгаарлана

-Тээврийн хэрэгслийн үнэмлэх олгох, сунгах, ангилал олгохгүй байх

-Тусгай зөвшөөрөл олгох, сунгахыг хязгаарлана

Тендер шалгаруулалтад оролцох эрхийг хязгаарлана

Төрийн жинхэнэ албаны шалгалт өгөхийг хязгаарлана

-Үндэсний гадаад пасспорт олгохыг хязгаарлах аж.