Ерөнхийлөгч У.Хүрэлсүх В.Зеленскийтэй утсаар ярьж, ОХУ-ын түрэмгийллийн улмаас амь үрэгсдэд эмгэнэл илэрхийлжээ

Украины ерөнхийлөгч Володимир Зеленский Монгол Улсын Ерөнхийлөгчтэй утсаар ярих хүсэлт тавьсан гэх мэдээлэл гараад буй. Түүний хүсэлтэд хариу өгөөгүй байгаа гэж байсан бол Украины ерөнхийлөгч Володимир Зеленский Ерөнхийлөгч У.Хүрэлсүхтэй утсаар ярьсан тухайгаа жиргэжээ.

Тэрбээр "Монгол Улсын Ерөнхийлөгч У.Хүрэлсүхтэй утсаар ярилаа. ОХУ-ын Украинд хийж буй эзлэн түрэмгийллийн дайны улмаас үеэр амь үрэгдэгсдэд эмгэнэл илэрхийлснийг би хүлээн авлаа. Хоёр орны харилцааг хөгжүүлэхийн чухлыг бид тэмдэглэв" гэсэн байна.