“1072 хувьцааны ногдол ашиг тараасан 3 өдөрт 25 сая ам.доллар мөрийтэй тоглоомоор гадагшаа урсдаг“

УИХ-ын Эдийн засгийн байнгын хорооны хуралдаанаар Зөвшөөрлийн тухай хуульд нэмэлт, өөрчлөлт оруулах тухай хуулийн төсөл болон хамт өргөн мэдүүлсэн хуулийн төслүүдийг УИХ-аар хэлэлцэхийг дэмжлээ.

Хуралдааны төгсгөлд ЗГХЭГ-ын дарга Н.Учрал хэлэхдээ "Бид "Хүүхдийн мөнгө"-нд 1.6 их наядыг зарцуулдаг. Жилд энэ хэмжээний мөнгийг мөрийтэй тоглоомоор гадагшаа алдаж байна.

1072 хувьцааны ногдол ашиг тараасан 3 өдөрт 25 сая ам.доллар мөрийтэй тоглоомоор гадагшаа урсдаг. "1Xbet"-ийн цаана их томчууд байдаг. Ард түмний амьдрал, нус нулимсаар мөнгө хийдэг 110 агент ажилладаг юм гэсэн. Над руу янз бүрийн мессеж бичиж дайраад хэрэггүй" гэсэн юм.