ББСБ-уудын зээл олгох өр орлогын харьцааг 60/40 хувь болголоо
Монголбанкны Мөнгөний бодлогын хороо мөнгөний бодлогыг 12 хувь хүртэл чангаруулсантай холбоотой өр орлогын харьцааг 50/50 болгосон. Тодруулбал, банкнаас иргэдэд шинээр олгох, нөхцөлийг нь өөрчлөх хэрэглээний зээлийн хувьд өр, орлогын харьцаа 40/60 хувь байсныг ийнхүү өөрчилж, зээл олгох нөхцлийг чангаруулсан. Үүнтэй холбоотой Санхүүгийн зохицуулах хороонд бүртгэлтэй банк бус санхүүгийн байгууллагуудын зээлийн нөхцлийг мөн хатууруулав. Сангийн сайд Б.Жавхлангийн хэлснээр зээл олгох өр орлогын харьцааг 70/30 хувь байсныг 60/40 болголоо. Энэ тухай Сангийн сайд хэлсэн үгэндээ "Энэ шийдвэр нь импортыг хязгаарлах бодлогын арга хэмжээ боллоо. Монголбанкны Мөнгөний бодлого хатуу төлөв рүү гүнзгийрч байна. Энэ хүрээнд төсвийн бодлого хэмнэлтийн горимд орно" гэсэн юм.
