Ч.Сайханбилэг БЗС-гаас 26 мянган ам.доллар буюу 90 сая төгрөгийн зээл авч, Дж.Вашингтоны их сургуульд суралцжээ

БШУ-ны сайд Боловсролын зээлийн сангаас зээл авч гадаадын их, дээд сургуульд суралцсан хэр зээлийн эргэн төлөлтөө хийгээгүй байгаа хүмүүсийн нэрсийг ил болгоод сар гаруйн хугацаа өнгөрсөн байна. Тэр дундаа улс төрд нөлөө бүхий этгээдүүдийн хамаарал бүхий хүмүүс зээл авч гадаадын их, дээд сургуульд суралцсан талаарх мэдээлэл нь олон нийтээс ихээхэн шүүмжлэлийг хүртэж буй. Тухайлбал, Ерөнхий сайд асан Чимэдийн Сайханбилэг л гэхэд 2001 онд АНУ-ын Дж.Вашингтоны их сургуульд суралцахаар БЗС-гаас 26,025 ам.долларын зээл авч байжээ. Энэ нь одоогийн ханшаар 90 сая төгрөгтэй дүйцэх мөнгөн дүнгийн зээл авч суралцсан гэсэн үг юм.