Д.Амарбаясгалангийн хилийн хоригийг цуцалж, нэр бүхий хүмүүстэй уулзахыг хоригложээ

УИХ-ын дарга асан, УИХ-ын гишүүн Д.Амарбаясгаланд өнгөрсөн гуравдугаар сард шүүхээс хилийн хориг тавиад байсан. Тодруулбал түүнийг авлига, албан тушаалын хэрэгт яллагдагчаар татаж, Эрүүгийн хуулийн тусгай ангийн 22.1 дүгээр зүйлийн 3, 22.10 дугаар зүйлийн 2, 22.4 дүгээр зүйлийн 2 дахь хэсэгт тус тус зааснаар буруутган шалгаж эхэлсэн.

Тэгвэл түүнд тавьсан "Монгол Улсын хилээр гарах" таслан сэргийлэх арга хэмжээг цуцалж, нэр бүхий хүмүүстэй уулзахыг хориглосон шийдвэрийг шүүхээс гаргажээ. Сануулахад, өмнө нь тэрбээр хилийн хоригоо цуцлуулахаар хэд хэдэн удаа шүүхэд хандаад байсан ч хилийн хоригийг цуцлахаас татгалзаж байсан юм. Харин энэ удаад хилийн хоригийг цуцалж, нэр бүхий хүмүүстэй уулзахыг хориглосон байна.

Д.Амарбаясгалангийн хэрэгт холбогдуулан МАН-ын Нарийн бичгийн даргаар ажиллаж байсан Ц.Чулуунзагд болон түүний ах Ц.Ламжав нарыг шалгаж эхэлсэн байдаг.