Хакухо М.Даваажаргал: Аварга аавынхаа хөшөөг ард түмэндээ дэлгэхээр аварга хүү нь ирлээ

"Сүмогийн домогт аварга Хакүхо М.Даваажаргал аавынхаа хөшөөг Төв цэнгэлдэх хүрээлэнд байршуулахаар эх орондоо ирээд буй юм. тэрбээр энэ тухайгаа "Аварга аавынхаа хөшөөг ард түмэндээ дэлгэхээр аварга хүү нь ирлээ" хэмээн аавынхаа хөшөөний өмнө татуулсан гэрэл зургаа цахим сүлжээнд нийтэлжээ.

Түүний аав, Монгол Улсын Хөдөлмөрийн баатар, Гавьяат тамирчин, чөлөөт бөхийн дэлхийн аваргын хүрэл медальт, Даяар дуурсагдах далай даян дархан аварга Жигжидийн Мөнхбат агсны хөшөөг яг одоо Төв цэнгэлдэх хүрээлэнд байршуулах ёслол болж байгаа юм.