Хасааг шоунаас хасагдсанд үзэгчид сэтгэл хангалуун байна

“Централ” телевизээс бэлтгэн хүргэдэг “Тэнгисийн эрэг дээрх 24/7” шоу нэвтрүүлгийн 2-р улирлын 11, 12 дугаар анги өчигдөр үзэгчдэд хүрсэн. Энэ ангиас оролцогч Ш.Номиндарь, С.Хасчулуу нар хасагдсан бөгөөд оролцогч Хасаагийн хувьд шоунаас хасагдахаар тунаж үлдсэн Ш.Номиндарийн сонголтоор хасагдаж, шоуг орхив.

Түүний туйлбаргүй, хувирамтгай байдал нь нэвтрүүлгийн панелистүүд болон үзэгчдийн дургүйцлийг хүргэж байсан юм. Ялангуяа, нэвтрүүлгийн эхний дугаараас эхлэн харилцаа үүсгэж, үерхэхийг гуйж байсан Урингийн дээрээс ус асгах сонголтыг хийж, оролцогч Золжаргалыг үнссэн нь үзэгчдийн дургүйцлийг хамгийн их хүргэсэн үйлдэл байв. Тийм ч учраас түүнийг оролцогч Ш.Номиндарь хамт хасагдах оролцогчоор сонгох үед панелистүүд баярлав. Үзэгчид ч мөн түүнийг шоунаас хассан нь зөв хэмээх байр суурийг цахим сүлжээнд нийтэлж байна. "Зөв хүнээ хаслаа", "ийм токсик хүнийг хассан нь сайн хэрэг" зэрэг сэтгэгдлүүд цахим орчинд хөвөрч байна. Оролцогчдын хувьд ч түүнийг хэт их попордог хэмээн шүүмжлэх хүн цөөнгүй байсан юм.