ИРГЭН: Эрхтэн шилжүүлэх эмчилгээний ачаар амьд яваагийн хувьд П.Батчулуун эмчийг өмөөрмөөр байна

“Эрхтэн шилжүүлэн суулгуулагсдын холбоо" ТББ-аас хийсэн мэдээллийн үеэр элэг шилжүүлэн суулгах хагалгаанд орсон иргэн “ Өнөөдөр П.Батчулуун эмчийн талаар шуугиад байгаад би эмзэглэж, үүнийг эерэг өнцгөөс хүлээж аваасай гэж хүсэж байна. Эрхтнээ өгсөн хүнийг, тэдний ар гэрийнхэнд баярлахаас өөр аргагүй. Нөгөө талаас эмчдээ буруу өгмөөргүй байгаа юм. Монголын эрхтэн шилжүүлэн суулгах мэс засал дэлхийд тэргүүн байранд орсон. Тэгэхээр эрхтэн шилжүүлэн суулгах мэс заслыг Монголдоо эхлүүлсэн энэ 30 жилийнх угацаанд ямар их үр бүтээлтэй ажиллаж байсныг харуулж байна. Монгол Улс эрхтэн суулгах мэс заслын эмчилгээгээр дэлхийд тэргүүлсэн нь энэ олон эмч нарын ач буян. Үүнийг ард түмэн сайн ойлгох хэрэгтэй байх. Яг зовоод, өвдөөд амь нас дээсэн дөрөөн дээр ирэхэд эрхтэн суулгах мэс заслын эмч сүүлчийн найдвар болдог. Тэдний ачаар амьд яваагийн хувьд би П.Батчулуун эмчийг өмөөрмөөр байна” хэмээв.