НЭМГ: Талийгаач сүүлийн 10 хоног согтууруулах ундаа хэрэглэсэн гэх өгүүлэмжийг хэсгийн ахлагч нь өгсөн

Нийслэлийн Баянзүрх дүүрэгт байрлах "Энэрэл" эмнэлгийн гадаа өчигдөр коронавирусийн халдвар авч гэрээр эмчлүүлж байсан иргэн эмнэлгийн тусламж авч чадалгүй нас барсан харамсалтай хэрэг гарсан. Тэгвэл уг асуудалтай холбогдуулан Нийслэлийн Эрүүл мэндийн газраас мэдээлэл хийсэн юм. Энэ үеэр НЭМГ-ын дарга Б.Бямбадорж "Хэсгийн ахлагчийн өрхийн эмчид өгсөн мэдээллээр бол талийгаач алтны дархан хийж ажиллангаа амьдардаг. Амьдардаг өрөөний нөхцөл тааруу. Орон сууцны зоорийн давхарт амьдардаг. Сүүлийн арван хоног архи согтууруулах ундаа байнга хэрэглэсэн гэх өгүүлэмжийг хэсгийн ахлагч өгсөн байна" гэх мэдээллийг өгсөн юм.